Еве како изгледа еден манипулативен наслов
Објавено во Рецензии
on 2 - 09 - 2016 Автор: Fatlume Dervishi
Напис: Велјановски го загуби животот во сообраќајна несреќа во Oхрид
Откриен е идентитетот на мотоциклистот што во вторникот го загуби животот во сообраќајна несреќа во Охрид. Според весникот „Дневник“, станува збор за Крсте Велјановски, сопственик на познат локал во Охрид, пренесува весникот „Лајм“.
Несреќата се случила на патот Кичево – Охрид, во близина на селото Требеништа, меѓу еден мотоцикл и камион. Мотоциклот од Скопје се движел во правец кон Охрид, додека тешкиот камион „сканиа“ се движел од Охрид кон Кичево.
Мотоциклот завршил под камионот. Од МВР потврдиле дека возачот на мотоциклот починал на самото место.
[Рецензија: „Велјановски го загуби животот во сообраќајна несреќа во Oхрид“]
Манипулацијата со сензационални наслови не е реткост во новинарството. Ова се прави за привлекување на вниманието, како и за поттикнување на читателот да ја отвори врската (линкот) што води до текстот, за да го зголеми бројот на кликнувања. Таквите двосмислени „трикови“, врз основа на стандардите, не се сметаат за професионален акт.
Линк до оригиналниот напис: „Велјановски го загуби животот во сообраќајна несреќа во Oхрид”
Датум и време на објавување: 25.08.2016, 11:03
Датум на рецензирање: 26.08.2016
Рецензент: Фатлуме Дервиши
„Велјановски го загубил животот“ е наслов што буди интерес кај јавноста, не само во земјава, бидејќи во него е вклучено името на една од најважните актуелни политички фигури во Македонија. Смртта на претседателот на Собранието, Трајко Велјаноски, во една сообраќајна несреќа во Охрид, би била главен наслов во сите медиуми во земјава и меѓу главните наслови на многу медиуми во регионот. Но, бргу се дознава дека ова не е настанот за кој се известува.
Содржината на текстот ни објаснува дека жртвата на несреќата е Крсте Велјановски, кој не е јавна личност, и не се известува да има семејни врски со гореспоменатиот.
„Откриен е идентитетот на мотоциклистот што во вторникот го загуби животот во сообраќајна несреќа во Охрид. Според весникот „Дневник“, станува збор за Крсте Велјановски, сопственик на познат локал во Охрид, пренесува весникот „Лајм“.
Другиот дел е вообичаен приказ на официјалниот извештај од МВР и детали како се случила несреќата. Таму нема ништо спротивно на професионалните начела на веста.
„Несреќата се случила на патот Кичево – Охрид, во близина на селото Требеништа, меѓу еден мотоцикл и камион. Мотоциклот од Скопје се движел во правец кон Охрид, додека тешкиот камион „сканиа“ се движел од Охрид кон Кичево. Мотоциклот завршил под камионот. Од МВР потврдиле дека возачот на мотоциклот починал на саммото место“.
Целиот проблем на овој напис стои во насловот. Многумина не би биле заинтересирани да прочитаат една вест, дел од црната хроника, за едно непознато лице, бидејќи ваквите вести се вообичаени. Но, смртта на една важна политичка фигура, секако ги привлекува читателите. Токму ваквата намерна манипулација од страна на авторот ги прекршува професионалните начела за објективно и несензационално информирање.
- Насловот или најавата на трудот мора да биде во хармонија со неговата содржина;
- Новинарот не смее поради привлечност на трудот да провоцира неоснована загриженост или надеж кај соговорниците или да манипулира со нивните чувства.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни,
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
манипулира со насловот
Не може да се утврди
комерцијална пристрасност,
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
делумна копија
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови