Една слика колку илјада кажани и некажани зборови
Објавено во Рецензии
on 25 - 11 - 2015 Автор: Ferikan Iljazi
[Рецензија: Гинеколошката ординација во Шуто Оризари ќе работи три пати неделно]
Се вели дека една слика вреди колку илјада зборови. И оваа слика генерира илјада зборови, а можеби и повеќе, но во негативен контекст.
Авторот на овој текст, ја подготвил веста како што треба, со информацијата пратена од Министреството за здравство за зачестување на работното време на гинеколошката ординација во населбата Шуто Оризари, претежно населена со Роми, но тоа што боде очи е фотографијата, еден многу силен елемент, кој на информацијата ѝ дава сосема друга насока.
Линк до оригиналниот наслов: Гинеколошката ординација во Шуто Оризари ќе работи три пати неделно
Датум и време на објавување: 06/11/2015
Датум на рецензија: 15/11/2015
Рецензент: Ферикан Илјази
Ако ни се дава правото да го коментираме само контекстот во кој е ставена оваа фотографија, тогаш треба да се истакне дека таа има различнa цел од текстот на кој му е придружена. Текстот зборува за нови алтернативи за жените од населбата Шуто Оризари за да ја прифатат потребната медицинска грижа од матичен гинеколог. Целосен текст, со сите потребни елементи на една вест. Но, невозможно е да не падне в очи фотографијата со која авторот го илустрирал текстот. На неа не е прикажаната ниту ординацијата, ниту одговорниот гинеколог што работи таму, ниту, пак, (да речеме) Министерството за здравство кое ја донело одлуката.
Како што може да се види, новинарот употребил фотографија каде што се гледаат Ромите како „чергари“, „скитници“ и „музиканти“, стереотип присутен кај нас со векови. Еден таков приказ дискриминира цел етникум, без исклучоци. Фотографијата алудира на тоа дека заедницата прикажана на сликата има „зголемена“ потреба за гинекологија бидејќи имаат големи семејства или прават многу деца.
Новинарството е професија што треба да ги негува правата, слободата и разликите на човекот, а не да создаде поделби меѓу нив. Сите сме граѓани на оваа земја, со еднакви права. Затоа не треба да се користат разликите за да се врши дискриминација над тие што „не се како нас“.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
нема извртување на вистина (спин)
нема лажни информации
не аплиактивно
друга пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
не потикнува на насилство
дискриминира
национална дискриминација, расна дискриминација
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови