Новинарство на темели од песок и од магла
Објавено во Рецензии
on 25 - 11 - 2015 Автор: Зоран Бојаровски
[Рецензија: Пророштвото се исполнува: Баба Ванѓа предвиде дека Путин ќе владее со светот?]
Оваа медиумска содржина исполнува само две функции: атрактивност (во овој случај, повеќе – сензационализам) и читаност. Кога овие две функции би се оставрувале со професионални новинарски стандарди – па дури и да станува збор за сензационализам – не би било ништо спорно. Но, ако тоа се прави со манипулација, тогаш сме далеку од професионалните и етички журналистички стандарди.
Линк до оригиналниот напис: Пророштвото се исполнува: Баба Ванѓа предвиде дека Путин ќе владее со светот?
Датум и време на објавување: 21.11.2015
Датум на рецензирање: 24.11.2015
Рецензент: Зоран Бојаровски
Комплетниот текст, вклучувајки ја и насловницата, се оформени без аргументи. Поставена е „новинарска“ содржина на темели од песок и од магла, односно на едно максимално општо предвидување на еден апсолутно нерационален извор – Баба Ванѓа.
За да бидеме докрај прецизни и доследни на нашата аргументација, еве го и тука „пророштвото“ на бабата:
„Нема сила која би можела да ја скрши Русија. Русија ќе се развива, ќе расте и ќе цвета. Никој не може да ја запре таа голема земја.“
Дури и да ја земеме бабата како извор, како тоа може да се изведе наслов и да се формира текст кој сугерира дека пророштвото се исполнува и дека Путин ќе владее со светот?!
Бабата не го спомнува, ниту го навестува Путин.
Затоа велиме дека овде се среќаваме со извртување на исказот на „изворот“, а тоа не е ништо друго освен – манипулација. Таа манипулација произлегува од глобалната хистерија, која од рускиот претседател прави мит. Афирмацијата на митовите е спротивна на афирмацијата на вистината, бидејќи митовите се исто толку непријатели како и лагата зашто и тие – како и лагата – се настојчиви, насилни и нереални.
Ете. Тоа е резултат кога претскажувачи и јасновидци стануваат извор во новинарството.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
СЕОПФАТНОСТ
несеопфатнo
ПРИСТРАСНОСТ
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
има контекстуални линкови
стилски уреден
поврзан со тагови