Дрва и камења по министерката Ременски!
Објавено во Рецензии
on 17 - 05 - 2016 Автор: Силвана Жежова
[Рецензија: Родителите од општина Илинден револтирани: Ременски не го потпишува решението за вршење дејност за новата градинка]
Текстот што е предмет на рецензија го вперува прстот во техничката министерка за труд и социјална политика, Фросина Ременски, како единствен „виновник“ за неработењето на новата градинка во Општина Илинден. Но, за ваквите обвинувања не се презентира издржана аргументација, туку како единствен „доказ“ се приложуваат изјавите на родителите.
Нивните изјави, несомено, се важни за приказната. Меѓутоа, независно што родителите се соочуваат со реален проблем ( чувањето, односно згрижувањето на децата додека се на работа), сепак, тие не би можеле да ги лоцираат вистинските причини за тоа кој го кочи отворањето на градинката. Ваквите одговори треба да се побараат од друга адреса – од надлежните институции, во конкретниот случај Министерството за труд и социјална политика и Владата. За жал, текстот не ги дава токму тие одговори.
Линк до оригиналниот наслов: Родителите од општина Илинден револтирани: Ременски не го потпишува решението за вршење дејност за новата градинка
Датум и време на објавување: 15.05.2016
Датум на рецензија: 16.05.2016
Рецензент: Силвана Жежова
САМО ЕДЕН АГОЛ
Написот селективно ги пренесува информациите. Тој ја прикажува само реакцијата на родителите кои вината за тоа зошто новата градинка не е отворена ѝ ја припишуваат на министерката Ременски.
„Би сакале да ја информираме јавноста за револтот кај нас родителите од општина Илинден, поради опструкциите на министерката и спречувањето за згрижување на новите деца, истакнуваат родителите од општина Илинден.“
Но, текстот не информира дека на 7 април годинава, Владата на седница ги поништи сите решенија што ги донеле министрите на СДСМ во периодот од 11 ноември минатата година до 7 април годинава, меѓу кои се и решенијата на министерката за труд и социјална политика. Можеби ова решение не било меѓу поништените. Ама тоа не се знае бидејќи текстот не направил таква проверка – нема изјава од ресорното Министерство или од Владата.
Исто така, недостасува изјава од засегнатата страна – министерката Ременски, па таа самата да каже дали го потпишала решението или не. А, доколку не го потпишала, да ги соопшти причините зишто не го направила тоа.
Само, овој текст воопшто и немал намера да го прикаже проблемот од сите аспекти. Туку наменски да ја претстави сликата само од аголот на власта, притоа фрлајќи дрва и камења по министерката Ременски.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови