До кога различното мислење ќе се смета за грев?
Објавено во Рецензии
on 1 - 08 - 2016 Автор: Симона Атанасова
[Рецензија: ЛЕВИЦА ИГРА КУРВИНСКИ, ТОА СЕ ЕДНИ НЕЗРЕЛИ ПЛАЧИПИЧКИ ПЕРФИДНИ, ПО СТОТИ ПАТ МУ ЗАРИЈА НОЖ ВО ГРБ НА СДСМ А СЕ ВОЗАТ НА НЕГОВАТА ПРИКОЛИЦА!!!]
Ова писание во ниту еден случај и по ниту еден критериум не може да се вброи во новинарско дело. Примитивен, навредлив, непрофесионален текст, полн со говор на омраза.
Линк до оригиналниот напис: ЛЕВИЦА ИГРА КУРВИНСКИ, ТОА СЕ ЕДНИ НЕЗРЕЛИ ПЛАЧИПИЧКИ ПЕРФИДНИ, ПО СТОТИ ПАТ МУ ЗАРИЈА НОЖ ВО ГРБ НА СДСМ А СЕ ВОЗАТ НА НЕГОВАТА ПРИКОЛИЦА!!!
Датум и време на објавување: 23.07.2016, 19:45
Датум на рецензирање: 31.07.2016
Рецензент: Симона Атанасова
НАВРЕДИ, ПРИМИТИВИЗАМ, ГОВОР НА ОМРАЗА
До кога поинаквото мислење ќе се смета за грев? Во едно демократско општество, секој има право на свое мислење и тоа може да го искаже јавно, без никој што мисли поинаку да го осудува и да го навредува, а тоа е загарантирано и со Уставот на Република Македонија.
Дел од тие што велат дека власта владее авторитативно и го задушува слободното говорење, сега се најгласни противници и ги осудуваат тие што не мислат исто како опозицијата.
Но, едно е да мислиш поинаку, друго е да критикуваш, а сосема трето е да навредуваш некого на најниско можно ниво затоа што има поинаков став.
Текстот е полн со навреди и со коментири за членот на Левица, Здравко Савески, затоа што на „Фејсбук“ искажал свој личен став во однос на договорот постигнат помеѓу претставниците на четирите политички партии потписнички на Договорот од Пржино.
Според напишаното во текстот кој е предмет на оваа рецензија, Савески не смее да има поинакво мислење од тоа на опозицискиот СДСМ.
И само затоа што Савевски е против власта, според овој напис, тој мора да мисли исто како лидерот на СДСМ, а доколку не мисли така, тогаш е предавник кој зарива нож в грб!
Со ова дикриминирачко четиво на најгруб начин се прекршуваат членовите 10, 15 и 16 од Новинарскиот кодекс.
Новинарот нема свесно да создава ниту да преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и на дискриминација по која било основа (национална, верска, расна, полова, социјална, јазична, сексуална ориентација, политичка…). (член 10)
Новинарот мора да ја негува културата на говорот и етиката.
Неспојлива со новинарската професија е непримерната комуникација со јавноста. (член 15)
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги. (член 16)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
нема евидентирани извори
неофицијални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
нечитлив
нема мултимедијални елементи
нема контекстуални линкови
стилски неуреден
неповрзан со тагови