Напис: Азби Нуредини: Проклета да си ти криминална судијко Ѓулсиме Шабани

На годишнината на убиството на командант Шќипоња, судијката Ѓулсиме Шабани го потпишала ослободувањето од затвор на неговиот убиец!

Шќипоња се бореше токму против ваквите неправди што им ги подготвуваше на Aлбанците системот на оваа валкана држава, но од каде да знае командантот дека токму самиот ќе падне жртва на предавствата на албанофоните предавници од родот на свињите!

Ѓулсиме Шабани, бидејќи за пари и кариера прифаќаш да ослободиш убијци, да даде господ тебе детето да ти го убие некој во раце и потоа судот да го ослободи за да разбереш што е болка!

Ти не си судијка, туку еден касап што без трошка страв од Господ провоцираш болка на двојното убиство кај семејството и блиските на командантот што ја жртвуваше младоста за свињи како тебе да имаат слобода!

Мори проклетничке на човештвото, затоа што ти сè можеш да бидеш само не Aлбанка, ти не можеш да бидеш човек и свињите ќе кренеа тревога доколку знаеја дека си од нивниот вид!

Каков лош сој имало меѓу нас!? Ни го скршивте од нашите глави успехот од војната на 2001 година и не ви е доволно, па барате и наше истребување!

Каде се политичките партии и граѓанските здруженија – сега секој треба да стане и сите право во дворот на куќата на овој касап Ѓулсиме Шабани, бидејќи оваа денес го ослободи убиецот на Шќипоња, а утре може и нашиот убиец.

[Рецензија: Азби Нуредини: Проклета да си ти криминална судијко Ѓулсиме Шабани]

Честопати, за важни предмети што имаат врска со општиот интерес, медиумите избрзано се обидуваат да создаваат вести од разните индивидуални ставови изразени на социјалната мрежа „Фејсбук“. Меѓутоа, став изразен на „Фејсбук“ не може да состави во целост една вест, уште помалку кога во таа објава е изразена клетва, деградација и зборови на кои не им е место во еден професионален новинарски текст.

Линк до оригиналниот напис: „Азби Нуредини: Проклета да си ти криминална судијко Ѓулсиме Шабани”

Датум и време на објавување: 24.07.2016

Датум на рецензирање: 27.07.2016

Рецензент: Џенис Сулимани

Текстот што го рецензираме е надвор од секој новинарски стандард. Без структура. Содржи тешки обвиненија и понижувања кон една судијка. Според начинот како е напишан коментарот, објавата не би можела да влезе ни во рубриката за мислења. Затоа, не можеме да кажеме дека истиот текст би бил во ред ни доколку го преместиме од рубриката „Вести“. Јасно и гласно, текстот не ги исполнува елементарните критериуми за информативен новинарски производ.

„Ѓулсиме Шабани, бидејќи за пари и за кариера прифаќаш да ослободиш убијци, да даде господ тебе детето да ти го убие некој во раце и потоа судот да го ослободи за да разбереш што е болка! Ти не си судијка, туку еден касап што без трошка страв од Господ провоцираш болка на двојното убиство кај семејството и блиските на командантот што ја жртвуваше младоста за свињи како тебе да имаат слобода! Мори проклетничке на човештвото, затоа што ти сè можеш да бидеш само не Албанка, ти не можеш да бидеш човек и свињите ќе кренеа тревога доколку знаеја дека си од нивниот вид!“.

Цитираниот исказ можеби и може да се смета за нешто што би го поттикнало новинарот да истражува повеќе во врска со улогата на судијката во конкретниот случај, барајќи нејзин став, став од експерти, од други инволвирани страни во овој случај, но никако не може да се пренесе во формата во која што е пренесен. Според Етичкиот кодекс на новинарите, новинарот не смее да навредува и да исмејува. Тој треба да биде свесен за последиците и за ефектот од неговите зборови. Меѓутоа, не треба ни да земе ставови од некој друг за да навреди трета личност.

Новинарот е одговорен и за зборовите на соговорниците, бидејќи преку него тие ставови излегуваат во јавноста, затоа е обврзан да ги парафразира или да се огради од навредливиот речник, промовирањето стереотипи или дискриминацијата.