Демонизација и одмазда
Објавено во Рецензии
on 3 - 06 - 2016 Автор: Зоран Бојаровски
[Рецензија: Шарените почнаа да работат и против себе!]
Широк е спектарот на манипулациите на пропагандата. Најстрашно е кога во нив учествуваат и медиумите
Една од основните особини на новинарските содржини е да имаат во себе некоја новина. Кога веќе се објавуваат, да понудат нешто што било различно од вчера.
Што донесува ново оваа медиумска содржина? Ништо. Најважните поенти во текстот се дека протестите на улиците во Скопје и во другите градови, се во организација на СДСМ и на „СОРОС“. Ова „СОРОС“ е интересно зашто секогаш се пишува со големи букви, а воопшто не е акроним, кратенка од нешто, и никогаш не е објаснето што значи тоа „СОРОС“.
Официјалниот организатор, граѓанската иницијатива „Протестирам”, е само параван, додека вистинскиот организатор е СДСМ.
Линк до оригиналниот напис: Шарените почнаа да работат и против себе!
Датум и време на објавување: 01.06.2016, 16:45
Датум на рецензирање: 03.06.2016
Рецензент: Зоран Бојаровски
НЕ Е ВЕСТ, НИТУ ИЗВЕШТАЈ
Оттаму, кога нема новина, станува проблематично да се одреди за што, всушност, станува збор? На кој вид новинарска содржина му припаѓа овој текст? Не е вест, ниту извештај, зашто нема новина.
Ајде, да прифатиме дека е анализа. Би сакале да прифатиме, но дури и анализата има правила. Прво: автор! Овој текст не е потпишан, а анализата мора да ја потпише автор, по правило поискусен новинар кој се препознава по таква новинарска активност.
Второ: Нема дополнителни извори, и од едната и од другата страна. Искусен новинар може да пишува анализа и да ја стави својата експертиза како влог во неа, но, освен што оваа содржина не е потпишана, таа нема ниту неопходна дистанца која на анализата им ја даваат дополнителните извори, експерти.
Тоа ја прави оваа медиумска содржина неверодостојна, несеопфатна и, според тоа, еднострана, пристрасна.
ПРОПАГАНДА
Освен што е пристрасна, таа користи еден од механизмите на пропагандата – повторувањето на едни исти информации кои веќе ги констатиравме.
Тоа ја прави оваа медиумска содржина неновинарска. Таа е на другата страна на новинарството. Другата страна се вика – пропаганда.
Ние сме одамна сведоци на „војна“ со помош на медиуми. Секојдневно ги гледаме и сведочиме во, сега веќе бескрупулозните медиумски битки, сите оружја во таа војна: демонизацијата, одмаздата, пренасочувањето на вниманието, лаги, лажни обвинувања и инсинуации.
Сето тоа го има во овој текст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
не апликативно
има контекстуални линкови
стилски уреден
неповрзан со тагови