Цитирана непостоечка изјава од Лавров
Објавено во Рецензии
on 20 - 02 - 2017 Автор: Симона Атанасова[Рецензија: Предлогот на Рорабакер- верзија на стар руски предлог?]
Во овој напис е преземен дел од текст објавен во друг медиум без претходно да се провери, па таков – непроверен – на читателската јавност ѝ се претставува како вистинит.
Австрискиот весник „Дер Штандард“, правејќи паралела на изјавата на американскиот конгресмен Дајна Рорабакер за поделба на Македонија, потсетува на „изјава“ на министерот за внатрешни работи за Русија, Сергеј Лавров, која тој, всушност, никогаш не ја кажал.
Линк до оригиналниот напис: Предлогот на Рорабакер- верзија на стар руски предлог?
Датум и време на објавување: 09.02. 2017
Датум на рецензирање: 17.02.2017
Рецензент: Симона Атанасова
ПРЕЗЕМЕНА НЕТОЧНА ИНФОРМАЦИЈА
„Сличен предлог за поделба на Македонија, која во времето на бегалската криза и за Австрија играше решавачка улога, во игра внесе рускиот министер за надворешни работи, Сергеј Лавров, уште во 2015. година. И тогаш Бугарија, Албанија и Косово го отфрлија предлогот, исто како и македонската влада, заклучува ’Стандард’“.
Написот се повикува на наводната изјава на Лавров од австрискиот „Дер Штандард“, чиј текст го цитира. Проблемот е во тоа што Лавров никогаш не дал ваква изјава, а овој текст го презел тој цитат од „Дер Штандард“ и не го проверил.
Лавров во 2015 година не агитираше за поделба на Македонија, како Рорабакер, туку во тогашната изјава предупреди дека има оперативни информации дека некои надворешни сили подготвуваат поделба на Македонија и дека тоа е опасно сценарио.
Со остра реакција и со демант за ваквата наводна изјава на Лавров се јави и Амбасадата на Руската Федерација во Македонија.
„Би сакале да веруваме дека авторите на овој допис едноставно ги пренебрегнале своите професионални обврски и не ја проверија веродостојноста на информацијата на која се повикуваат. Но, сепак, судејќи по тоа колку детално и заплеткано е изградена целата мрежа на многубројни референции, очигледно е дека станува збор за најобична технологија на „фејкот“ – омиленото средство на западните медиуми во информациски војни“.
Без разлика колку веродостоен е медиумот и колку новинарот и да му верува, сепак не може „слепо“ да пренесува цитати без претходно да ги потврди и да провери барем од уште една страна.
Во случајот, најголемата грешка е кај „Дер Штандард“ за објавување целосно неточна информација, но голем дел од одговорноста ја има и медиумот што ја презел изјавата без дополнителна проверка.
Кодексот на новинари предвидува новинарите да бидат чесни, објективни и точни во пренесувањето на информациите и да ги почитуваат етичките вредности и професионалните стандарди.
Новинарот треба да објавува точни, проверени информации и нема да прикрива суштински податоци и да фалсификува документи. Доколку информацијата не може да се потврди или станува збор за претпоставка, односно шпекулација, тоа треба да се каже и да се објави. Точноста на информацијата треба да се провери колку што е тоа можно. (член 1)
Новинарот ќе настојува да биде обезбедено објавување на исправка, деманти и одговор во случај кога ќе биде утврдена неточност на информацијата. (член 3)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
повеќе извори
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
делумна копија
наведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
има контекстуални линкови
стилски уреден
поврзан со тагови