Без информација и без структура – нема вест
Објавено во Рецензии
on 18 - 11 - 2015 Автор: Adrian Kerimi
[Рецензија: Падна предлог-законот за амнестија?]
Целосната вест е продукт на професионалното новинарство. Ако таа се претставува без да се почитуваат основните правила на вистинското новинарство, тогаш имаме напис, меѓутоа не новинарски. Веста што ја рецензираме е незавршена и нема структура. Како таква не ги исполнува потребите на јавноста.
Линк до оригиналниот напис: „Падна предлог-законот за амнестија?„
Датум и време на објавување: 12.11.2015
Датум на рецензија: 13.11.2015
Рецензент: Aдриан Керими
Веста е направена врз основа на еден пост на „Фејсбук“ на еднo од најкомпетентните лица за разгледување на темата на правата на затворениците. Но, читателот што не е запознаен со иницијативата за промена во Законот за амнестија, не разбира за што известува новинарот во овој напис.
„Активистката за заштита на правата на затворениците, Мери Николова, пишала на својот профил на Фејсбук за предлог-законот за амнестија, кој што требаше да биде усвоен од страна на Парламентот, известува Телеграф.
Таа кратко напишала дека предлог-законот за амнестија „падна“. Од коментарите дадени за нејзиниот пост се дознава дека се работи за Законот за амнестија.“
Ова требаше да се потврди. Бидејќи авторот како повод за својата вест зел само еден збор – „падна“ – тој требаше да контактира со Николова за да добие повеќе детали. Во конкретниот случај немаме дополнително објаснување што дополнително би ги информирало читателите што навистина значи објавата на активистката Мери Николова и што стои зад тоа.
Читателот требало да се информира за историјата на оваа иницијатива, со наведување на настаните што ѝ претходеле. На тој начин, на читателот би му било појасно зошто е важно да се информира дека „законот за амнестија паднал“.
Професионалниот новинар треба да ја има неопходната информација и треба да ја информира јавноста дека спомнатата активистка е иницијатор за промени во Законот за амнестија. Според тие промени, се предвидува амнестија за затворениците на кои што им останало уште 40 проценти од издржувањето на казната. Почетокот на иницијативата од затворениците, штрајкот со глад, протестите на членовите на семејствата на затворениците и петицијата која е потпишана за ова иницијатива, несомнено дека требало да се најдат во овој напис.
Текстот е нецелосен и има недостиг од информации.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
делумно стилски уреден
неповрзан со тагови