Во Новак сè е идеално
Објавено во Рецензии
on 27 - 08 - 2015 Автор: Ана Анастасовска
[Рецензија: Зурли и тапани во Новак – над две илјади жители го пречекаа премиерот Груевски]
Од авион може да се види дека овој прилог е политички маркетинг и дека има цел да го испофали премиерот по секоја цена. Написот е политички пристрасен и несеопфатен.
Линкуван наслов на анализираниот напис: Зурли и тапани во Новак – над две илјади жители го пречекаа премиерот Груевски
Датум и време на објавување: 22.08.2015
Датум на рецензирање: 25.08.2015
Рецензент: Ана Анастасовска
Ударен наслов и еуфоричен вовед. Повеќе од 2.000 жители со зурли и со тапани го пречекале премиерот Груевски. Ова е првата слика што може да се види од прилогот.
„Слична беше и сликата во Жировница, Ростуше, Скудриње и останатите рекански села кои ги посети премиерот.“
Можеби слична била сликата, но таа слика гледачите не ја видоа. Според тоа, не може да се оцени вистинитоста на ова тврдење. Од прилогот јасно се гледа дека е нарачан политички маркетинг, во кој летаат пофалби за премиерот, колку тој е близок со граѓаните и како бргу ги решава нивните проблеми. Груевски е озвучен, се врти накај камерата и експресно дејствува на терен. Претходно осмислено сценарио за пропаганден филм.
Во прилогот не се спомнува ниту еден реален проблем со кој можеби се соочуваат жителите на селото Новак. Според овој напис, во Новак сè е идеално.
„Ваквиот дочек на премиерот Груевски од страна на мештаните се должи не само на реализираните проекти, туку и на стекнатата доверба, честите средби и можноста за комуникација непосредно со премиерот, велат граѓаните, кои изразија благодарност што Владата им ги решава најгорливите проблеми со кои секојдневно се соочуваат.“
А и како не би било идеално кога гледачите не видоа ниту една изјава од ниту еден жител на селото. Дури и да имал некој мака и да сакал да си ја искаже пред камерите, немал шанса за тоа, бидејќи главниот фокус е ставен врз премиерот, а не врз граѓаните.
На социјалните мрежи дури и се појави сомневање дали Груевски навистина го пречекале 2.000 жители на ова село, бидејќи, како што објави генералниот секретар на СДСМ, Оливер Спасовски, селото броело 1.006 жители.
Овој прилог е сè, само не професионален новинарски. Повеќе наликува на предизборен партиски рекламен материјал.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
нема извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови