Пропагандистички призвук од почеток до крај
Објавено во Рецензии
on 27 - 08 - 2015 Автор: Оливера Војновска
[Рецензија: Експресна реакција на институциите по посетата на премиерот]
Станува збор за нагласено пристрасен прилог во кој премногу се фали премиерот и лидер на владејачката партија. Целиот материјал од почеток до крај има пропагандистички призвук и наликува на предизборен рекламен видеоспот.
Линк до оригиналниот напис: Експресна реакција на институциите по посетата на премиерот
Датум и време на објавување: 24.08.2015, 16:32
Датум на рецензирање: 25.08.2015
Рецензент: Оливера Војновска
ПРИЛОГ НАТЕЖНАТ ОД ФАЛБИ
Материјалот што го рецензираме нема проблеми со изворите и со вистинитоста, туку е спорен начинот на кој е обработен и пласиран. Имено, тој е инспириран од посетата на премиерот на неколку населени места во Општината Студеничани (како сред изборна кампања), која беше претходниот ден (23 август 2015 година) и за која медиумите веќе информираа, вклучително и оваа телевизија.
Така што, овој напис изгледа како да е наменски правен за да го величи премиерот, кој е претставен како политичар близок со народот, кој има разбирање и „експресно“ наоѓа решение за проблемите со кои се соочуваат граѓаните.
Прилогот просто натежнува од фалби за Груевки. Тие почнуваат да се нижат од првата реченица :
„Посетата на Груевски во Моране Општина Студеничани веднаш даде резултати. Институциите уште денеска решија дел од посочените проблеми на граѓаните.“
А, резултатот е „продолжување на автобуската линија до центарот на селото Моране“, но и „времено користење на едно возило за собирање смет“!
Изгледа дури смешно колку се предимензионира ефектот од „теренските средби на премиерот“ и неговиот ангажман во „разрешувањето“ на разни локални проблеми – селски водовод (Долно Количани), пат (Љубош), мост (Цветово)…
Така, на пример, во случајот со водоводот во Долно Количани надлежните институции излегле само „да ги скенираат состојбите“. Но, прилогот, сакајќи да ја нагласи улогата на премиерот, намерно го претставува ваквото „скенирање“ како кој знае каков голем потфат!
Самиот концепт на написот, пак, конструкцијата на речениците и коментарите од типот дека Груевски бил срдечно пречекан – граѓани од сите етнички групи му посакле топло добредојде, дополнително го засилуваат впечатокот дека на гледачите им е понуден исклучително пристрасен текст, во кој затаиле професионалните стандарди.
Впрочем, доволно е да се види фалбаџискиот наслов:
„Експресна реакција на институциите по посетата на премиерот“
и станува јасно каква пропагандна содржина ѝ се подметнува на публиката.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
повеќе извори
повеќестрани
СЕОПФАТНОСТ
сеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови