Верувајте, опозицијата е виновна за сè!
Објавено во Рецензии
on 22 - 01 - 2016 Автор: Александар Пешев
[Рецензија: Вандализам на ниво: Како изгледа Градско по славењето на СДСМ (Фото)]
Имаме текст кој не ги следи стандардите на професионалниот новинарски израз. Направен е обид за репортажа, којашто се прелева во коментирање со јасно видлива политичка пристрасност и со извртување на вистината, а сè за дискредитација на еден политички субјект.
Линк до оригиналниот напис: Вандализам на ниво: Како изгледа Градско по славењето на СДСМ (Фото)
Датум и време на објавување: 15.01.2016, 19:58
Датум на рецензирање: 19.01.2016
Рецензент: Александар Пешев
ОБВИНУВАЊА БЕЗ ДОКАЗИ
Еве неколку фотографии од уништена комунална опрема, а вие, читателите, треба да поверувате дека тоа е последица од славење на приврзаници на опозициската партија.
Токму вака накратко може да се резимира овој напис, кој е целосно преземен од друг медиум, заедно со насловот и тоа е наведено, но не е посочен линкот. Самата објава, инаку, е нешто помеѓу коментар со политичка пристрасност и извртена репортажа.
Уште во првата реченица имаме генерализација:
„СДСМ слави откако премиерот Никола Груевски, почитувајќи го договорот од Пржино, времено се повлекува од функцијата.“
Потоа се редат серија фотографии од уништена комунална опрема, наводно, последица од прославата за која се пишува. Но, каков доказ има читателот дека штетата не била направена претходно и дека фотографиите навистина сведочат за „настанот“. Можеби се работи за стари фотографии, преку кои текстот се обидува да им ги атрибуира штетите на лицата што прославувале?
ДОКАЖАН ГУБИТНИК!
Манирот во кој е креирана и пласирана оваа медиумска содржина открива силна политичка пристрасност. Па, пишуван во тој дух, написот дури го знае и исходот од изборите?! Иако, сè уште е под знак прашалник дали тие навистина ќе се одржат на 24 април или ќе бидат во друг термин, како и тоа дали на нив ќе учествува опозицијата.
Меѓутоа, текстот што го рецензираме и кој залсужува негативна оцена, сепак, знае дека СДСМ ќе доживее пораз на изборите!
„Оваа партија знае дека ќе ги загуби и изборите кои следат, а тоа се докажа со бројните анкети за испитување на јавното мислење.“
Една професионална објава би ги презентирала анкетите што се споменуваат, дозволувајки ѝ на публиката сама да донесе заклучоци за тоа која политичка партија ужива поголема доверба кај народот. И во никој случај не би се обидувала да ја убедува публиката дека одредена политичка опција е докажан губитник! Како што се вели во заклучокот на текстот:
„Но, не е прв пат СДСМ да слави пред да изгуби на избори.Така славеше и Црвенковски и Шекеринска пред да се соочат на избори со народот кој им покажува црвен картон…“
Ваквите објави немаат некаква допирна точка со новинарството, туку наликуваат на пропагандистичка содржина карактеристична за соопштенијата на владејачката партија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови