Каков шок – талог од кафе во филџан со кафе!
Објавено во Рецензии
on 22 - 01 - 2016 Автор: Ана Анастасовска
[Рецензија: НОВАТА ЅВЕЗДА НА ГРАНД ВО ШОК: Нема да верувате што пронашол во својата шолја со кафе!]
Овој текст, освен зборот „шок“, ништо шокантно не содржи во себе, а уште помалку дека новата ѕвезда на „Гранд“ била шокирана.
Линкуван наслов на анализираниот напис: НОВАТА ЅВЕЗДА НА ГРАНД ВО ШОК: Нема да верувате што пронашол во својата шолја со кафе!
Датум и време на објавување: 16.01.2016
Датум на рецензирање: 22.01.2016
Рецензент: Ана Анастасовска
ПЕТПАРЕЧКА ОБЈАВА
„Новата ѕвезда на Гранд во шок: Нема да верувате што пронашол во својата шолја со кафе!“
Кога ќе прочитате ваков наслов, нормално е да помислите дека навистина нешто чудно се појавило во шолјата кафе на пејачот, кој не е ниту именуван во насловот, што уште повеќе ве тера да кликнете на веста.
Но, она што ќе го прочитате и ќе го видите, ќе ве натера да се прашате како е можно да се објавуваат вакви нешта?
„Ален Хасановиќ, македонскиот натпреварувач во „Ѕвездите на Гранд“ додека го пиел своето кафе со пријателите пронашол интересна фигура во својата шолја.“
Почнувате да го читате текстот и си велите „Во ред, можеби некому му испаднало нешто во кафето на Ален Хасановиќ. Ајде да видиме што е тоа толку шокантно“.
Но, тука повторно имаме вртење на истата работа, само што на информацијата ѝ се дава уште поголема „тежина“ со тоа што се нагласува дека фигурата „ги шокира неговите пријатели на Фејсбук“.
И кога ќе отидете подолу, ќе видите фотографија на која има срце од талог кафе. Замисете, во шолјата со кафе, пејачот пронашол талог од кафе! Каков шок, човек да не им поверува на своите очи!
Прво, од текстот не е јасно дали навистина станува збор за пејачот Ален Хасановиќ, бидејќи на фотографијата има само рака која држи филџан. Потоа, од самата фотографија јасно се гледа дека талогот кафе е правен да изгледа како срце.
Ова е една петпаречка информација која не вреди воопшто да се објави, а уште помалку да се пласира како шокантна, од причина што нема никакво значење од општ интерес. Овој текст има само една цел, а тоа е собирање на повеќе кликнувања.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не аплиактивно
КОМЕНТИРАЊЕ
има коментаторски елементи
издвоено од фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
нејасен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови