Утринско озборување на национална телевизија
Објавено во Рецензии
on 2 - 11 - 2015 Автор: Ана Анастасовска
[Рецензија: Утрински ШОК: Од свадба на пешачки во Скопје!]
Текстот што го рецензираме е на предлог на наш читател кој вели: „Ова е провинциско озборување недостојно за нешто што себеси се нарекува медиум. Под секое ниво“.
Линкуван наслов на анализираниот напис: Утрински ШОК: Од свадба на пешачки во Скопје!
Датум и време на објавување: 26.10.2015
Датум на рецензирање: 28.10.2015
Рецензент: Ана Анастасовска
Овој напис наликува на сè освен на новинарски текст. Текстот не го содржи суштинското, а тоа е информација. Наместо тоа, овој напис на читателот му нуди озборување. И тоа шокантно!
Авторот, очигледно шокиран од изгледот на посочената госпоѓа на фотографијата, одлучил да напише текст за тоа. Прво што се наметнува како прашање е дали авторот е, можеби, некој моден критичар и соодветен за да оценува како некој се облекол, имајќи предвид дека не се потпишал со име и со презиме.
„Но, она поради кое таа денес се најде на социјалните мрежи е нејзиниот изглед кој веројатно немала време да го промени после свадба или пак ги помешала правилата како треба да се изгледа преку ден.“
Можеби фотографијата се нашла на социјалните мрежи, но тоа не значи дека тоа е новинарска вест, која треба да се пласира како таква. Па, уште и да се даваат коментари за тоа како некој бил облечен.
Задача на новинарот не е да озборува, туку да нуди информации и тоа точни и проверени, кои се од интерес на јавноста. Ова дефинитивно не е од јавен интерес. Целта на овој напис е само да се потсмева со личноста на фотографијата и од тоа да „набилда“ читаност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
креативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
поврзан со тагови