Уште едно поместување на границите на медиумското лудило
Објавено во Рецензии
on 24 - 12 - 2015 Автор: Зоран Бојаровски
[Рецензија: Ужасни снимки од напади на диви животни врз луѓе, некои едвај преживеаја некои немаа таква среќа]
Во подготовките за оваа рецензија имавме доволно време да размислуваме и да рационализираме за да дојдеме до мотивите на редакцијата да објави една ваква содржина. Се разбира, не стигнавме многу далеку од првиот впечаток дека се работи за намерен избор на сензационалистички теми за да се обезбедат повеќе кликнувања и читаност.
Тој заклучок се совпаѓа и со мислењето на нашиот читател кој предложи да се рецензира овој „новинарски производ“. Ќе ги прескокнеме експлицитните коментари на читателот и ќе ви пренесеме само една сосема издржана констатација: „Секој ден ги поместуваат границите на лудилото што владее во „медиумската“ сфера.“
Линк до оригиналниот напис: Ужасни снимки од напади на диви животни врз луѓе, некои едвај преживеаја некои немаа таква среќа
Датум и време на објавување: 21.12.2015
Датум на рецензирање: 24.12.2015
Рецензент: Зоран Бојаровски
СЕНЗАЦИОНАЛИЗАМ
Значи, освен сензационализам и атракција која се очекува да биде постигната поради грозоморните фотографии, оваа содржина нема ниту еден елемент достоен да биде медиумски вредна информација. Нема новост, бидејки видеоснимката, на која се повикува оваа содржина и од која се извлечени фотографиите, е публикувана во 2013 година. Освен тоа, којзнае од кога е секоја од фотографиите собрани во видеокомпилацијата на која се повикува медиумот.
Ниту една од тие несреќи не се случиле во Македонија, со што е исклучен уште еден критериум за медиумски вредна информација. И така натаму, и така натаму… Колку и да трагате по некој елемент што ќе ја оправда оваа содржина, нема да го најдете.
Се разбира, тие критериуми не се единствени, не се догма, но дури и најголемата слобода во обликувањето медиумски пакети со вознемирувачки содржини има некои елементарни правила кои мора да се испочитуваат. Така налага и членот 8 од Кодексот на новинарите:
„Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми.“
Освен што не смее да има сензационализам, треба да има и видливо и веднаш воочливо предупредување дека се работи за вознемирувачка содржина. Значи: видливо, а не скриено некаде во телото на текстот, како што е направено со содржината што ја рецензираме.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
делумно
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
делумна копија
наведен извор со линк
КВАЛИТЕТ НА НАСЛОВОТ
не информира
некреативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
неповрзан со тагови