Тајните средби се разоткриваат со факти и со докази
Објавено во Рецензии
on 12 - 01 - 2017 Автор: Adrian Kerimi
Напис: Тајна средба меѓу Ахмети и Груевски за новата влада
Tајна средба се одржа меѓу лидерите на партиите на власт ВМРО – ДУИ, Никола Груевски и Али Ахмети, вечерва во Скопје, пишува „Факте“. Според изворите на порталот, средбата што завршила пред еден час меѓу владините партнери дошла по преговорите на работните групи од двете партии во изминатите денови и за кои сме известиле претходно.
Според информациите, двајцата лидери ги анализирале заедничките позиции постигнати од групите од двете партии и ги процениле понатамошните чекори.
Инаку, од ДУИ изјавија дека не почнале преговори со ниедна македонска партија (ВМРО-ДПМНЕ или СДСМ), и дека продолжува координацијата со другите албански парламентарни субјекти, акт кој беше поддржан и од премиерот на Албанија, Еди Рама. /Факте/
[Рецензија: Тајна средба меѓу Ахмети и Груевски за новата влада]
Прашањата од посебен интерес, и особено тие што се актуелни и поттикнуваат поголем интерес кај јавноста, треба да се завршуваат комплетно, за читателот и јавноста да бидат точно информирани, со факти и на непристрасен начин. Кога новинарот решава да известува за една тајна средба меѓу двајца лидери на политички партии, тогаш треба да има предвид дека средбата претставува важна вест и дека треба да биде аргументирана. Веста што ја рецензираме зборува за една таква средба, но без да се докаже одржувањето на истата и нејзината содржина, со ништо.
„Tајна средба се одржа меѓу лидерите на партиите на власт ВМРО – ДУИ, Никола Груевски и Али Ахмети, вечерва во Скопје, пишува „Факте“. Според изворите на порталот, средбата што завршила пред еден час меѓу владините партнери дошла по преговорите на работните групи од двете партии во изминатите денови и за кои сме известиле претходно“.
Авторот се повикува на неодредени извори, што влијае на заматување на вистинитоста на веста. Доколку средбата навистина се случила, тогаш новинарот е обврзан да изнесе некој доказ или детаљ од средбата, барем за тоа каде е одржана и кој друг бил присутен.
Линк до оригиналниот напис: „Тајна средба меѓу Ахмети и Груевски за новата влада”
Датум и време на објавување: 02.01.2017
Датум на рецензирање: 03.01.2017
Рецензент: Адриан Керими
Иако веста е напишана со јазик како новинарот да бил дел од средбата и цитира резервирани извори, не се обезбедени ставови од спомнатите страни за да ги потврдат или да ги негираат информациите. На овој начин, информацијата е напишана непрофесионално.
„Според информациите, двајцата лидери ги анализирале заедничките позиции постигнати од групите од двете партии и ги процениле понатамошните чекори.
Инаку, од ДУИ изјавија дека не почнале преговори со ниедна македонска партија (ВМРО-ДПМНЕ или СДСМ) и дека продолжува координацијата со другите албански парламентарни субјекти, акт кој беше поддржан и од премиерот на Албанија, Еди Рама“.
Во текстот нема едностраност, ниту коментари. Дополнителните информации се во ред, додека мултимедијалните елементи се поставени колку за илустрација, бидејќи редакцијата не обезбедила фотографии од лидерската средба за која известила. Затоа, како таков, текстот има уште простор за дополнување. Доколку нема нови ставови, новинарот секогаш има право да ги повтори поранешните ставови на главните ликови. Еден цитат повеќе секогаш ѝ дава поголемо значење и тежина на веста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
непотврдени
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови