Суптилно дефокусирање од суштината
Објавено во Рецензии
on 3 - 01 - 2016 Автор: Зоран Бојаровски
[Рецензија: Настрана Хан, никој нема да не натера на избори]
На прв поглед, овој текст, кој го рецензираме како предлог на читател на „Сервис за проверка на факти од медиумите“ (СПФМ), оддава впечаток дека е доследен во следењето на принципите според кои треба да се „спакува“ една медиумска содржина. Ги има двете страни во политичкиот конфликт, дури и третата – онаа на меѓународната заедница, односно на главниот олеснувач во преговорите меѓу најголемите политички партии во Македонија.
Сепак, внимателното читање открива дека формалната исправност на пристапот во пишувањето ја крие суштината на продлабочувањето на политичката криза, што се состои во ставањето во втор план на серијата причини поради кои опозицијата најавува дека ќе го проблеамтизира 24 април како ден за вонредните избори, туку само се истакнува дека партијата не го почитува договореното од Пржино.
Линк до оригиналниот напис: Настрана Хан, никој нема да не натера на избори
Датум и време на објавување: 28.12.2015, 22:13
Датум на рецензирање: 31.12.2015
Рецензент: Зоран Бојаровски
Уште повеќе, нагласката во овој текст е ставена на таканаречената „фабрика за афери“, која се поврзува со наводни активности на луѓе блиски до опозицијата.
Како и да е, тоа со фабриката е сѐ уште далеку од докажана работа и сега засега, доколку се употребува со новинарски текстови, треба да се става во таков контекст. Каква било друга употреба наведува на намера за дефокусирање од суштината.
Она што, исто така, суптилно го нагласува оваа медиумска содржина, е дека договорениот датум за вонредни избори е светост и дека:
„…финална цел на договорите од Пржино беше предвремени избори.“
Оваа нагласка, всушност, е инструментот за дефокусирање на суштината, бидејќи Договорот од Пржино и утврдениот датум се само рамката со инструменти за да се врати функционалноста на институциите, владеењето на правото, слободните избори и слободата на медиумите.
Тоа е суштината, а не датумите и членовите на Договорот, особено ако тие не се преточени во закон.
Заради тоа, оваа медиумска содржина е дефокусирање од суштината.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови