Со прашалник не му се дава легитимитет на тенденциозен напис
Објавено во Рецензии
on 4 - 12 - 2015 Автор: Fatlume Dervishi[Рецензија: „Манипулација со натпартискиот одбор?“]
Ставањето прашалник на крајот од насловот не ѝ дава легитимитет на тенденцијата на новинарот да постави непотврдени идеи. Честопати новинарите мислат дека ако стават прашалник, тоа значи дека во текстот можат да пишуваат што сакаат, иако тоа не е потврдено и не е атрибуирано на компетентен извор.
Линк до оригиналниот напис: „Манипулација со натпартискиот одбор?„
Датум на објавување: 30.11.2015
Датум на рецензија: 01.12.2015
Рецензент: Фатљуме Дервиши
ОБЈЕКТИВНОСТА „ПАДНАЛА ВО ВОДА“
Овој текст зборува за можна манипулација на движењето Беса како политички субјект и притоа самиот го нарекува ова барање неоправдано. Тоа не го поткрепува ниту со компетентни извори, ниту со издржливи факти.
Според наведеното во написот, натпартискиот одбор е голема идеја за партиите со мала сила.
„…од последните анкети направени од ИРИ може да се види дека силата на ова Движење е минимална за да се поигра со толку големи идеи, за кои што не се знае од каде доаѓаат и зошто се излезени во јавноста.“
Нема мерило со кое новинарот може да измери колку е голема една идеја и ова да ѝ го објасни на јавноста. Тука, непристрасноста „паднала во вода“ и текстот станал „слуга“ на политичките идеи, кои се спротивни на тие што ги потценува.
Квалификувањето на некои политички субјекти како „неважни“, само врз субјективна процена, без да се направи обид да се контактира со нив и да се слушне нивното мислење, е непрофесионално. Во таа смисла, крајно некоректно е да се даваат со леснотија тенденциозни коментари од типот:
„се чини дека и самите тие кои што предложиле не знаат зошто предложиле формирање на натпартиски одбор“
А КОИ СЕ „ПОЗНАВАЧИТЕ“?
Овој материјал, како и многу други, паѓа во „стапица“ повикувајќи се на „познавачите“, кои, всушност, не се цитираат во текстот.
Написот дури се сомнева во „манипулативните“ намери што може да ги има овој натпартиски одбор, само поради тоа што еден функционер на СДСМ покажал интерес да се вклучи во него.
„Со самото присуство на Шилегов и неколкумина кои што покажале интерес да се вклучат во овој одбор, се гледа јасно манипулативната намера на овој одбор од страна на ова изолирано Движење кое што сака да се повика на големи идеи.“
Во Новинарскиот кодекс на Македонија се вели:
Проверката на податоците и точноста се морални императиви на новинарството, затоа новинарот е должен да ја провери информацијата од што е можно повеќе извори, а најмалку два меѓусебно неповрзани извора.
Изборот на фактите мора да обезбеди објективна информација и согледување на сите значајни аспекти на темата за која се говори.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
поврзан со тагови