Кога невистината станува „вистина“
Објавено во Рецензии
on 4 - 12 - 2015 Автор: Зоран Бојаровски
[Рецензија: За што земаат плата министрите од СДСМ?]
Кога небитното станува „битно“, тогаш тргнувате од претходно јасно утврдена позиција и многу прецизно знаете каде да стигнете. Во новинарската практика тоа се познати постапки, но тие не се новинарски. Тоа се пропагандистички постапки и се нарекуваат „фрејмување“, дефокусирање, филтрирање на информациите, селекција на теми, управување со дебати…
Медиумската содржина што ја рецензираме можете да ја препознаете во која било од овие техники. Најмногу поради тоа што авторите на оваа содржина од една сосема небитна активност, дуваат балон обоен со политизација и тоа, во основа, е далеку од суштината. Всушност, се обиделе на небитното да му дадат суштина.
Линк до оригиналниот напис: За што земаат плата министрите од СДСМ?
Датум и време на објавување: 02.12.2015 – 10:47
Датум на рецензирање: 03.12.2015
Рецензент: Зоран Бојаровски
ДЕФОКУСИРАЊЕ
Тaквиот обид се препознава уште во поднасловот:
„Тие земаат огромни плати, на функции каде треба да помагаат да се реализира владината програма за граѓаните, но овие партиски кадри на СДСМ очигледно работат за партијата, а не за државата.“
Моментот, кога од несуштина, или уште попрецизно – кога од невистина, се прави „вистина“, е демистификација на улогата на новите министри и заменици-министри во – техничката влада. Техничката влада има цел да ја контролира злоупотребата на државните ресурси во предизборниот период и да го подготви амбиентот за одржување законски и фер избори.
Министрите во техничката влада немаат задача да ја реализираат владината програма, бидејќи во таа програма македонската јавност, опозицијата и меѓународната заедница препознаа злоупотреба во полза на изборни манипулации и на изборни резултати. Впрочем, поради тоа земјата е во политичка криза.
Оттаму, од позициите на свесно избран агол од кој ќе се врамува активноста на политичките функционери во полза на политичките нарачки, „новинарската“ постапка за извршување на таа нарачка крши најмалку два члена од Кодексот на новинарите.
Како прво, овој текст нема ништо заедничко со членот 14 кој за новинарите налага непристрасност:
„Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.“
Како второ, коментаторските елементи и пристрасната боја на содржината се во спротивност и со членот 13:
„Новинарот треба да прави разлика меѓу фактите и мислењата, меѓу веста и коментарот.“
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор, наведен извор без линк
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови