Ширење стравови со предумисла
Објавено во Рецензии
on 8 - 04 - 2016 Автор: Зоран Бојаровски[Рецензија: Врие полиција во Скопје, дел од улиците затворени – надлетуваат хеликоптери]
Еве го коментарот на нашиот читател придружен на предлогот да го рецензираме овој текст:
„Овие евтини трикови ги поминуваат сите граници на просто изживување со нервите на нормалните читатели. Врие од полиција веќе секој втор ден, но тоа го знае секој што живее или бил во Скопје последниот месец поради „спектаклот“ за судењето околу Диво насеље. Ваков наслов да ставиш денес, во таква зовриена атмосфера е изживување, потсмејување, море д… во здрав мозок“.
Сосема е во право нашиот читател. Насловот е навистина сензационалистички и воопшто не е соодветен на заклучокот што некој може да го изведе од него, со реалната ситуација.
Чиста манипулација заради читаност.
Препораките за добро и професионално новинарство велат дека вестите треба да бидат комплетни и пропорционални.
Настојувањето вестите да бидат пропорционални во однос на нивното значење е, исто така, во основата на трагањето по вистината. „Дувањето“ на настаните заради сензационализам, потценувањето на другите извори, стереотипизирањето и несоодветниот негативен став, не создаваат веродостојни мапи на вистината.
Линк до оригиналниот напис: Врие полиција во Скопје, дел од улиците затворени – надлетуваат хеликоптери
Датум и време на објавување: 07.04.2016 – 10:12
Датум на рецензирање: 08.04.2016
Рецензент: Зоран Бојаровски
СЕНЗАЦИОНАЛИЗАМ
Соодветен на овие препораки е принципот што го сугерира Кодексот на новинарите на Македонија во членот 8 кој вели:
Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми.
Правото на јавноста да биде информирана не може да биде оправдување на потребата од сензација. Оттаму, не смее заради атрактивноста на текстот, односно прилогот да се поттикнуваат неосновани стравови кај публиката или да се манипулира со нејзините емоции.
Зашто не мора да се сите во тек со настаните, како што сугерира нашиот читател кој го предложи овој текст за рецензија. Во таа смисла, новинарите и медиумите никогаш не треба да ги злоупотребуваат емоциите или чувствата на луѓето заради нивната неинформираност, нивното незнаење или заради неможноста за расудување на последиците од некои настани.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
Делумно
делумно
ИЗВОРИ НА ИНФОРМАЦИИ
има евидентирани извори
официјални
релевантни,
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
неповрзан со тагови