Сексистичка и понижувачка медиумска содржина
Објавено во Рецензии
on 18 - 12 - 2015 Автор: Зоран Бојаровски[Рецензија: Србинките и Бугарките даваат без проблем, Македонките не се толку лесни!]
Се навикнавме да „налетуваме“ на содржини во медиумите кои за основна цел имаат да го провлечат вниманието на публиката, атакувајќи на страстите кои, најчесто, се поттикнати со сексуални алузии. Но, тоа не значи дека ќе престенеме да реагираме од аспект на сериозните професионални пропусти што притоа се прават.
Веднаш да кажеме дека не си ја преземаме улогата на морализатори и допуштаме дека секој медиум сам си ја креира уредувачката политика и самиот, односно нејзините креатори, се одговорни за неа и за последиците што произлегуваат оа таквите уредувачки принципи.
Во овој случај, последиците се една крајно сексистичка и понижувачка медиумска содржина. Навредлива и полна со стереотипи!
Линк до оригиналниот напис: Србинките и Бугарките даваат без проблем, Македонките не се толку лесни!
Датум и време на објавување: 16.12.2015, 16:00
Датум на рецензирање: 18.12.2015
Рецензент: Зоран Бојаровски
Зошто? Како прво, затоа што употребува зборови, односно речник, недостоен за секоја личност, во овој случај, за жените. Тој речник рефлектира машки шовинизам и доминација, сосема неприкладни за времето во кое живееме и за една средина која претендира да се нарекува модерна, недискриминаторска, егалистичка во однос на сите разлики, вклучувајќи ја и половата.
Еве дел од вокабуларот: „даваат без проблем“, „ лесно може да се легнат“.
Проблематична е и констатацијата дека македонските девојки се „нормални“, што имплицира дека сите други се „ненормални“.
Објавувајќи вака конструирана содржина, медиумот се вклучува во половата дискриминација и во навредлива, улична комуникација.
Посебна приказна е што оваа анкета не е од „неодамна“, туку стара, од 2013 година, и правена врз основа на искази на припадници од машкиот пол од западните земји кои рејтингот го формираат врз основа на своите лични искуства од патувањата(?!?).
Крајно аматерска анкета и крајно сексистичка медиумска содржина.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни,
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
полова дискриминација,
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови