Цело е кога има сè!
Објавено во Рецензии
on 18 - 12 - 2015 Автор: Димитар Тануров[Рецензија: По Црвенковски и Шилегов: Се третираат ли навредите на жените како доблест во СДСМ?!]
Прилогот е едностран, етикетира, генерализира и коментира. Тој се обидува преку два случаи да повлече паралела и таквото однесување да го припише како карактеристика на целата партија. Испуштањето на реакциите на политичките партии, како и на партијата на која се однесува написот, создава впечаток дека целта е да се дискредитираат партијата и нејзините претставници.
Линк до оригиналниот напис: По Црвенковски и Шилегов: Се третираат ли навредите на жените како доблест во СДСМ?!
Датум и време на објавување: 17.12.2015, 18:25
Датум на рецензирање: 18.12.2015
Рецензент: Димитар Тануров
ГЕНЕРАЛИЗИРАЊЕ
„По повод вербалниот инцидент што се случи на Анкетната комисија меѓу претседателот на комисијата Петре Шилегов и пратеничката Владанка Авировиќ, голем број на пратенички од различни пратенички групи реагираа преку соопштение.“
Влезот во текстот најавува реакции на политички групи, но никаде понатаму не се презентираат соопштенијата и реакциите, туку се дава личен коментар за односот на политичката партија СДСМ кон жените.
Написот, навраќајќи се на уште една ваква изјава на поранешниот лидер на партијата, Бранко Црвенковски, генерализира дека двата вакви случаи се показател за ставот и за однесувањето на целата партија кон жените.
Освен снимката од говорот на Шилегов и онаа од изборниот говор на Црвенковски, во прилогот нема реакции од СДСМ ниту, пак, е наведено дека се побарани. Исто така, нема ниту изјави од претставници на други политички партии или експерти, туку се коментира користејќи ја фразата „познавачите на состојбите“.
Текстот, според својата структура и содржина, не претставува вест бидејќи не нуди никакви нови информации за читателите. Тој презентира пристрасно, еднострано гледиште кое се користи за оцрнување на опозициската партија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, анонимни
релевантни, нерелевантни
повеќе извори
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
не информира
некреативен
несензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
политичка дискриминација
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови