Рецензија: Ужасно убиство: Го фрлил двегодишното дете од десетти спрат па ја убил баба му
Објавено во Рецензии
on 12 - 08 - 2014 Автор: Мирослава Симоновска
Да се пренесе информацијата коректно не значи само да се пренесат точни информации, туку и да се направи соодветен распоред на одговорите на петте основни новинарски прашања, односно тие да се подредат по приоритет. Сѐ почесто се случува во текстовите да се одбегнува да се наведе местото на настанот за кој се известува, со што, најверојатно свесно, се прави нечесен обид да се „залаже“ оној што чита, дека настанот се случил во Македонија и да се создаде привид дека настанот е поимпактен и поблизок. Ова создава анимозитет и губење на довербата кај публиката што е запознаена со правилата на медиумското изразување.
Линк до оригиналниот напис: Ужасно убиство: Го фрлил двегодишното дете од десетти спрат па ја убил баба му
Датум и време на објавување: 05.08.2014
Датум на рецензирање: 08.08.2014
Рецензент: Мирослава Бурнс
Пред нас се наоѓа куса вест за настан што се случил во Русија. Но, местото каде се случило убиството го дознаваме дури на крајот, иако при известување од вакви настани логично е и неопходно тоа да се наведе на самиот почеток како основна информација. Графички текстот е одделен со фотографија, која, исто така, може да биде пречка да се добие потребната информација за местото на случувањето што побрзо, односно во главата на текстот. Иако медиумите на интернет ја имаат предноста да линкуваат и да ги поврзуваат статиите со изворите од каде што ги презеле информациите, оваа можност, карактеристична за онлајн медиумите, не е искористена. Сепак, даден е изворот Итар Тас кој е релевантен. Но, веста е премногу кратка и личи на прв дел од „вест во низа“. Забелешката е дека се остава сомнеж да се помисли како веста да се случила во земјава, со намера да се наведе читателот на погрешно толкување, . Трикот навистина носи повеќе кликови, но ефектот е губење на довербата. Во насловот се коментира дека убиството е ужасно. Зарем постои убиство што не е ужасно? Оттука, нејасна е потребата за користење на квалификацијата и таа го открива сензационалистичкиот пристап. Нема потреба од „засилување“ или „ублажување“ на ужасот. Доволно е да се пренесат само фактите, на начин кој ќе биде релевантен и чесен.
На крајот, сосема накусо, новинарот треба да биде во состојба да ги потпишува своите текстови или текстовите што ги преработува, со што создава доверба кај читателите и формира личен кредибилитет. Псевдонимите (или никовите) делуваат непрофесионално.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
СЕОПФАТНОСТ
несеопфатнo
нема прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
наведен автор, наведен извор без линк
КВАЛИТЕТ НА НАСЛОВОТ
ја прикрива локацијата
некреативен
сензационален
несоодветен
нејасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
делумно стилски уреден
неповрзан со тагови