verifikimiifakteve.mksitemap
verifikimiifakteve.mksitemap

Рецензија: Убиецот на Тијана ужива во затворот?!

on 12 - 08 - 2014       

zatvor-09876-098-crop-resize

Ова е текст кој може да предизвика многу реакции во јавноста, пред сѐ, поради насловот. Заклучокот дека тој ужива во затвор е извлечен без конкретен податок или факт, иако сѐ уште е спорно како тоа се ужива во казнена установа, каде што бил сместен сам во соба.

zatvorЛинк до оригиналниот напис: Убиецот на Тијана ужива во затворот?!

Датум и време на објавување: 11.08.2014, 10:10

Датум на рецензирање: 12.08.2014

Рецензент: Владо Ѓорчев

 

БЕЗ ДОКАЗИ

Тоа што некој е во затвор, а е сместен сам во повеќекреветна соба, не дава за право да се мисли дека затвореникот ужива. Тој сѐ уште се наоѓа во притвор, а според стандардите од Европската унија и законите во матичната земја точно се знае што треба да се прави со еден притвореник.

Пасусот дека:

Не е во самица, сместен е сам во повеќекреветна соба со оглед на тоа што моментално во затворот има слободни места и не би ризикувале останатите затвореници да го нападнат. Ни овде засега не покажува никакви емоции, не разговара ни со чуварите и до сега немаше никакви барања. Од петокот е во ќелијата, но до денес никој не го посетил, дури ни мајка му, рекол извор од затворот за Ало.рс.

… само покажува дека поради негова заштита тој не се меша со другите притвореници и затвореници.

Тоа го кажува и изворот од затворот, кој овде е погрешно протолкуван. Згора на сѐ, се работи за извор, кому по логиката на нештата треба да му се верува.

Исто така, ниту податокот што јадел и како јадел не навестува дека тој ужива во затвор. На сите притвореници и затвореници им следува оброк, а за тоа дали молчел додека јадел нема што да се коментира:

За појадок јадеше меснен нарезок и јајце, мармалад и леб и испи чаша чај, додека за ручек имаше зелка со месо, леб и салата. Секој оброк го прими и изеде без ништо да каже, додал изворот.

 

СЛОБОДНО КОМЕНТИРАЊЕ

Сегментите каде се тврди дека ужива во затвор се коментаторски елементи и не се поткрепени со никаков доказ. Друго би било ако во текстот има елементи кои се нетипични за затворски престој на притворено лице, но такво нешто нема. Наведено е само дека бил сместен сам во повеќекреветна соба и молчел додека јадел. Исто така, не смееме да ја заборавиме и презумпцијата на невиност и покрај тоа што сега осомничениот наводно го признал делото. Покрај ова, секој притвореник и затвореник има права и обврски.

Насловот сака намерно да потенцира нешто со што би се кренала поголема прашина во јавноста. Сепак, тој е изнасилен и непотребен особено кога на социјалните мрежи се активни повеќе групи кои бараат смртна казна за осомничениот. Во ваква наелектризирана ситуација премногу е да се пласира ваков наслов, посебно кога тој е далеку од вистината.

Понекогаш треба работите да легнат за да може убаво да се процени ситуацијата. Со вакви написи тоа е потешко зашто се замаглуваат работите. Затоа, во време кога има наелектризирана атмосфера не треба да се истрчува со вакви наводи. Згора на сѐ, тие не се поткрепени со факти.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

и има и нема

infoVistinitostИЗВОРИ НА ИНФОРМАЦИИ

има евидентирани извори

анонимни

релевантни

1 извор

еднострани

infoVistinitostСЕОПФАТНОСТ

сеопфатнo

можеби се прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

лажни информации

Не може да се утврди

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

ненаведен автор, наведен извор без линк

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести