verifikimiifakteve.mksitemap
verifikimiifakteve.mksitemap

Рецензија: Студентите во САД против расизмот, македонските против два испита

on 15 - 12 - 2014       

studenti-sad-makedonija-crop-resize

 

Овој текст најголемиот проблем го има во насловот. Со него сака да пласира една теза која е манипулативна. Се споредува нешто неспоредливо – студентски протести во САД и тие во Македонија. Притоа се изнесуваат невистини, а се омаловажува и студентското движење. Со дел од насловот „два испита“ се минимизира и огромната посетеност на студентскиот марш. Насловот, исто така, алудира дека во САД студентите протестираат за поголеми цели (иако се неспорни барањата на студентите од американските колеџи), но, сепак, барањата и таму и тука се легитимни. Студентите низ целиот свет протестираат за повеќе работи, но никаде и никој не се осмелува да ги спореди затоа што секоја држава си има индивидуални проблеми, па така се насочуваат и целите и мотивите на студентите.

studenti sad-makedonijaЛинк до оригиналниот напис: Студентите во САД против расизмот, македонските против два испита

Датум и време на објавување: 12.12.2014, 09:30

Датум на рецензирање: 12.12.2014

Рецензент: Владо Ѓорчев

 

ЕДНОСТРАНИ ИНФОРМАЦИИ

Ова се познати, непроверени ставови, овојпат рециклирани во текст кој се појавува по масовните протести на студентите. Едностраните информации се ставени во функција на омаловажување на барањата на студентите, а со тоа се прават и редица грешки како што се коментирање, недостиг од изјави, пласирање непроверени и непотврдени тврдења. И сето тоа на читателите им се презентира како факт.
Текстот е, инаку, непрофесионално и доста грубо поделен на два дела. Првиот дел, може да се каже дека е и коректен како информација, во кој е пресликана атмосферата на протестите во САД. Вториот, пак, спори со барањата на студентите и притоа ја извртува вистината.

Повеќепати студентите организирани во „Студентски пленум“ изјавија кои се нивните барања и зошто протестираат:

„Предлог-концептот на државен испит, онака како што е составен од страна на Министерството за образование, не соодветствува со Уставот на Република Македонија, особено со членот 46 од Уставот, во кој е предвидена неповредливост на универзитетската автономија. И покрај тоа што, во самиот предлог од страна на МОН се определува дека во изготвувањето се целело кон зачувување на основните начела, меѓу кои влегува и автономијата на универзитетите, сепак таквата автономија несомнено се загрозува имајќи ја предвид содржината на самиот предлог, објаснуваат студентите.“

Со тоа се побива тезата на текстот дека студентите протестирале поради два испита.

 

ВИ ТЕКНУВА ЛИ НА МАРТИН НЕШКОВСКИ

„Студентстки пленум“ реагираше и поради начинот на кој ќе се одвива тестирањето:

„Нема да има екстерно, туку државен испит кој ќе се полага се додека не положи, и тоа во два дела. Добиената оценка од прашањата нема да влијае врз успехот на студентот, ниту пак ќе има последици по професорот. Ваквата мерка според Студентскиот пленум нема да има ефект, бидејќи се коси со претпоставената цел таа да го подобри квалитетот на образованието.“

Не е потребен поглем ангажман за да се заклучи дека написот е крајно несеопфатен и веројатно прикрива информации, а се гледа и дека се пласирани само селектирани содржини, кои се обидуваат да ја „оправдаат“ тезата во насловот.

Исто така, текстот прави манипулација и со тоа дека македонските студенти протестираат за „небитни“ работи за разлика од американските. Притоа, заборава дека македонските студенти протестираа со денови и недели по убиството на Мартин Нешкоски во 2011 година. Оттогаш произлезе и насловот и мотивот на демонстрациите кои имаа наслов: Протести против полициската бруталност.

Овој текст има цел да го дискредитира целото студентско движење со доволно нефер и непрофесионален пристап кон темата.

Написот е уште еден во низата што деновиве се појавија во јавноста за да манипулира со читателите, затоа што не одговора на ниедно професионално поставено новинарско прашање. Нема извор во делот кога се врши „елаборација“ на македонските студентски протести, ја извртува вистината и притоа суптилно врши спинување, искористувајќи други протести за други цели. Уште од почетокот (насловот) се пласира теза со која се изместува главната вест, па јасно е дека целиот текст ќе биде пристрасен.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

не може да се утврди точноста на наводите

неверодостојни наводи

infoVistinitostИЗВОРИ НА ИНФОРМАЦИИ

има евидентирани извори

официјални, неофицијални

релевантни, нерелевантни

повеќе извори

повеќестрани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

не може да се утврди

извртување на вистина (спин)

лажни информации

наклонетост

политичка пристрасност, друга пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор, наведен извор со линк

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

несоодветна

манипулира

наведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести