verifikimiifakteve.mksitemap
verifikimiifakteve.mksitemap

Рецензија: Како малцинството ЛГБТ го тероризира мнозинството

on 15 - 12 - 2014       

Како малцинството ЛГБТ го тероризира мнозинството-crop-resize

 

Станува збор за грубо манипулативно неиздржан текст, кој во својата содржина има и комплетни бесмислици. Како, на пример, употребата на зборот „ксенофобија“ во дадениот контекст не е соодветна и предизвикува чудење. Ксенофоб е човек кој мрази странци, оттука е нејасно што бара овој збор во реченицата:

„Ксенофобијата и раздразливоста на припадниците на ЛГБТ заедницата не им дава за право да ја ускратат слободата на слободно мислење која е и уставно загарантирана.“

Меѓутоа, има и низа други проблематични елементи, меѓу кои и тоа што непотпишаниот автор изоставува да сопомене дека има и ограничувања на слободата на изразување, ако на пример, тие се спротивни на законите. Оттука говорот на омраза не е слобода на изразување, иако се прави обид тој така да се претстави.

Како малцинството ЛГБТ го тероризира мнозинствотоЛинк до оригиналниот напис: Како малцинството ЛГБТ го тероризира мнозинството

Датум и време на објавување: 11.12.2014, 23:29

Датум на рецензирање: 13.12.2014

Рецензент: Мирослава Бурнс

За ниту една изнесена информација читателот не може да биде разубеден дека е вистината. Една од причините е што нема консултирано ниту еден извор, се настапува крајно пристрасно, се стигматизира и се обележува една група со што се врши дискриминација. Едноставно, нема аргументација со факти туку со субјективни согледувања и со коментари. Тоа е недозволиво во информативните жанрови. Од почетокот до крајот се настапува крајно пристрасно. Се зазема страна и се прави обид да се дисквалификува Хелсиншкиот комитет.

„ЛГБТ заедницата преку Хелсиншкиот комитет за кој веќе од поодамна е познато дека неговата централа поради финансиска измама престана да постои, поднесе тужба поради говор на омраза наводно предизвикан од новинарите Миленко Неделковски и Јанко Илковски.“

Хелсиншкиот комитет не е единствениот кој е на мета на дисквалификација без аргументи. Тоа се прави и за Здружението на новинари. Во самиот текст се изнесуваат имињата на оние за кои се тврди дека им е нарушена пресумпцијата на невиност, а истото тоа се критикува во содржината. Се разбира дека поднесената тужба не претставува осудителна пресуда. Интересно е што пресумпцијата на невиност за непотпишаниот автор е „споредна работа“.

„Се чини дека одамна Здружението на новинари на Македонија (ЗНМ) работи доколку биде уклучено партиското дугме од централата, па се чини е ирелевантно дали ЗНМ и Насер Селмани ќе реагираат на ваквите напади, нешто што би било природно во ситуација кога се обвинети новинари, во најмала рака што пресумпцијата на невиност подеднакво важи за сите, па и за овие двајца новинари. Но, тоа е споредно.“

Понатаму, навлегувајќи во својот монолог, непотпишаниот автор поставува прашања без да ги изложи аргументите на тужителите во кои детално е објаснето зошто тие сметаат дека тужбите се оправдани. Тврдењето дека тоа „така лесно“ направено е тенденциозно, непоткрепено и коментаторско, никако фактичко. Монологот со прашањата продолжува и понатаму, но овојпат се оди на линија на релативизација, па говорот на омраза (според пријавата) го преиначува во „против“ ЛГБТ-заедницата што е многу различно. Спинерска техника.

„Она што е суштински е зошто овие новинари се обвинети и толку лесно декларирани како поттикнувачи на говор на омраза. Беше посочено дека тие биле против ЛГБТ заедницата, по што се поставува прашањето какво злосторство е тоа?“

Следи неодговорен обид да се изрази „мислењето на народот“ преку перото на непотпишаниот автор. Само тој и никој друг во светот не може да го знае мислењето на „целиот народ“.

Мислење на авторот е дека мислењето на „целиот народ“ е како она на обвинетите. Со него се искажува стојалиште кое може да предизвика нетрпеливост кон одредена заедница. Тоа е спротивно на новинарскиот кодекс, според кој новинарот ќе ги почитува различностите и нема да говори со јазикот на омразата.

Еве што се вели во текстот:

„Тие веројатно го споделуваат истото мислење како и 90 проценти од популацијата во Македонија, дека истополовите врски и односи не се природни и тие во својата суштина ја разјадуваат заедницата особено семејството како основна клетка во општеството.

Ксенофобијата и раздразливоста на припадниците на ЛГБТ заедницата не им дава за право да ја ускратат слободата на слободно мислење која е и уставно загарантирана.“

Еве што во новинарскиот кодекс:

Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по било која основа (национална, верска, расна, полова, социјална, јазична, сексуална ориентација, политичка…).

Паѓаат и тешки обвинувања за омраза, повторуваме, без ниеден извор да се праша, комплетно непоткрепено и со недозавршена новинарска работа.

„Всушност, новинарите Миленко Неделковски  и Јанко Илковски се жртвата на ксенофобијата на хомосексуалците и лезбејките, што е порака дека секој што ке им противречи го напаѓаат со флоскули и за говор на омраза, а всушност тие се полни со омраза и тие се првите кои жигосуваат. Ова всушност значи дека една помала група хомосексуалци, лезбејки и нивни поддржувачи во Македонија поддржана и политички мотивирана тероризира мнозинство.“

Проблематично е што повеќепати, непотпишаниот автор повторува дека ЛГБТ-заедницата е „помала“, но го користи како аргумент дека таа не е во право. Ова се прави без судска одлука, без да се дадат примерите заради кои одредени лица се тужени, итн.

Има и лични навреди (ксенофоб?!, лични фрустрации), но употребени во бесмислен контекст.

„Личностите како директорот на ЛГБТ центарот Кочо Андоновски и останатите безимени ксенофоби кои во јавноста остануваат безимени се личности со искривени вредности и го киднапираат општеството со свои фрустрации, пред се лични кои претендираат да станат колективни.“

Говорот во остатокот од текстот нема да го цитираме зашто според субјективна оценка е дискриминаторски, од причина што директно напаѓа цела заедница, претставувајќи ја како „штетна“ и со „искривени вредности“.

Етикетирањето и стигматизирањето е јасно дека се прави поради политичка пристрасност, бидејќи на крајот се споменува и опозицијата, сосема надвор од контекст и колку нешто да се каже. Не е аргументирано кои се овие истражувања:

„Истражувањата покажуваат дека  како најголеми загрозувачи на моралот и семејните вредности се перципирани лица кои припаѓаат на ЛГБТ заедницата.“

Скандалозно е со каква леснотија непотпишаниот автор оцрнува група граѓани со права и слободи и ги обвинува за тероризирање.

Сè на сè, станува збор за текст кој во ниеден случај не ги поттикнува различностите и демократските вредности, е крајно нетолерантен, пристрасен, коментаторски, неиздржан и без извори. Фијаско на новинарските стандарди во информативните жанрови.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

неточни наводи

неверодостојни наводи

infoVistinitostИЗВОРИ НА ИНФОРМАЦИИ

нема евидентирани извори

ниту еден

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

ненаведен автор, ненаведен извор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

несоодветна

манипулира

ненаведен автор(извор)

infoVistinitostГОВОР НА ОМРАЗА

навредлив говор

говор на омраза

не потикнува на насилство

дискриминира

дискриминација според сексуална ориентација

infoVistinitostУРЕДЕН ЗА ВЕБ

средно читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести