Рецензија: Се зголемува бројот на украдени артефакти во Музејот на Македонија
Објавено во Рецензии
on 17 - 12 - 2013 Автор: Gent Mehmeti
Напис со наслов кој дезинформира и кој воопшто не соодветствува со содржината на текстот. Тоа што се наведува во насловот останува само да се претпостави понатаму. Никаде не се споменува дека е зголемен бројот на украдени артефакти. Во информацијата од полицијата само се наведува вкупниот број на украдени артефакти во одреден период, исто така не спомнувајќи дека има зголемување.
Линк до оригиналниот напис: Се зголемува бројот на украдени артефакти во Музејот на Македонија (Преводот на веста на македонски јазик можете да го најдете овде.)
Датум и време на објавување: 19.11.2013
Датум на рецензија: 03.12.2013
Рецензент: Гент Мехмети
Вистинитост: Проблемот со вистинитоста е проблем со насловот. Она што се тврди во него со ништо не е поткрепено во текстот.
Извори на информации: Авторот вели дека една од информациите е добиена од полициски извори, меѓутоа не нуди подетални информации за овој извор. Не е пренесена изјава што би ги потврдила констатациите на авторот.
Содржајност: Написот се состои од само две реченици, кои не се доволни да се разбере нешто повеќе. Содржината е претерано редуцирана и не успева да понуди релевантни податоци кои што се однесуваат на темата.
Оригиналност/Плагијат: Напис кој не е многу оригинален и тоа токму заради неговата претерано кратка содржина. Тој само пренесува една единствена анонимна изјава. Во текстот не е направен обид да се понудат подетални информации.
Квалитет на насловот: Насловот не соодветствува со содржината. Во насловот се вели дека во Македонија зе забележува зголемување на бројот на украдени артефакти, а во текстот се наведува само вкупниот број на таквите кражби, без да се наведе временскиот период, местото, итн. Општо земено, несоодветен и сензационалистички наслов.
Фотографија: На фотографијата се прикажани неколку артефакти, наредени на една маса. Меѓутоа, нема конкретни показатели дека тие се украдени артефакти, а уште помалку дека бројот на украдените артефакти е зголемен.
Заклучок: Се работи за неумешен обид за да се направи вест од една стара и неактуелна информација. Непрофесионалниот пристап кон информацијата се забележува во начинот на кој авторот ја обработил веста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
целосно прикажува вистина
извртување на вистина (спин)
не може да се утврди
Не може да се утврди
КОМЕНТИРАЊЕ
нема коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови