Рецензија: Сакаш да ја ебе*ш жена ми за 1000 денари а?
Објавено во Рецензии
on 4 - 11 - 2014 Автор: Владо Ѓорчев
Овој текст е сѐ друго, освен новинарски, и тоа според многу работи. Уште од насловот, па сѐ до крајот на текстот, тој се коси со новинарските стандарди, а притоа е вулгарен и непримерен. Згора на тоа, не е претставено сѐ како што треба, иако се работи за полициски извештај, кој би требало горе-долу да има некаква рамка. Можеби во порнографските филмови и би поминал ваков наслов, но во новинарски текст ниту пет ѕвездички нема да ја спасат работата. Затоа, а и за еден куп јазични и лекторски грешки, како и морални и етички дилеми, овој текст е денеска тука на рецензија.
Линк до оригиналниот напис: Сакаш да ја ебе*ш жена ми за 1000 денари а?
Датум и време на објавување: 30.10.2014, 22:21
Датум на рецензирање: 02.10. 2014
Рецензент: Владо Ѓорчев
НЕ Е ВО МАКЕДОНИЈА
Ова е, најверојатно, текст од билтен и она за што се говори во него се случило во Ниш, Република Србија, значи во друга држава. А во насловот и во текстот се спомнуваат денари? Вистината е дека ова не е текст за Македонија иако се сакало да се остави таков впечаток. Притоа, во Србија парична единица е динар, а не денар.
Значи, текстот манипулира уште на почетокот.
Не знам зашто се мислело дека една ѕвездичка би ја спасила работата? Зборот кога би имал и три ѕвездички би бил ескплицитен и непримерен за текст во медиум. И не знам зошто не можело да се обиде да се направи коректна вест, чиј наслов би бил, на пример: Изнудувале пари преку понуда за секс.
Текстот е содржаен според извештајот од билтенот. Полн е со граматички и технички грешки, неповрзани реченици и треба работа за да се разбере што навистина се случило.
Целата манипулација е во тоа што се сакало да се остави впечаток дека се работи за Македонија, како и во несмасноста во ставањето на насловот.
Интернетот е достапен за секого денеска, уште од најмала возраст. Затоа и не може да се остави на случајноста дека можеби некое дете нема да го забележи овој наслов. Напротив, токму тој наслов привлекува заради својата безобразна провокативност. Но, и покрај сѐ, тој лош и за очи и за уши.
Напомена: Лицата на осомничените се покриени од страна на Сервисот за проверка на факти во медиумите (СПФМ) за да не се шири објавувањето на нивниот идентитет, иако сме свесни дека за тоа сега е предоцна, зашто фотографии со нивните ликови се објавени на други места, па и во рецензираниот напис.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
некреативен
сензационален
несоодветен
тенденциозен и безобразен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови