Рецензија: Жерновски и Петковски го маргинализираат Заев
Објавено во Рецензии
on 3 - 11 - 2014 Автор: Владимир Мирчески
Наместо новинарска, кај овој текст неизбежно се забележува јасна и очигледна политичка мотивираност. Имаме продолжение на некаква си „критичка опсервација“ на состојбата во опозицијата, при што средбата меѓу првите луѓе на двата помали партнери во блокот е искористена како основа за „налепување“ на тезата дека таа, всушност, претставува „маргинализирање на претседателот на главната сила во опозицискиот табор“. Силни зборови, кои, за жал, не се поткрепени со аргументи.
Линк до оригиналниот напис: Жерновски и Петковски го маргинализираат Заев
Датум и време на објавување: 29.10.2014, 14:42
Датум на рецензирање: 01.11.2014
Рецензент: Владимир Мирчески
НЕМА НОВИНАРСКИ АРГУМЕНТИ ЗА МАРГИНАЛИЗИРАЊЕ
Не велиме дека, можеби, помалите партнери не му „кројат“ нешто на поголемиот, ама, едноставно, нема никакви реални докази за тоа што е наведено во написот. Проблемот за таквата ситуација, секако, лежи во отсуството на соодветни извори на информации, бидејќи повикувањето на некакви „пораки“ од состанокот меѓу Петковски и Жерновски, всушност, упатуваат на нешто друго – а, тоа е идеја за дополнително окрупнување на опозицијата, а не на „маргинализирање“ на Заев. Неизбежен декор во овој, но и нему сличните написи, се термините „јавност“ и „кај социјалдемократите“, кои секако не се јасно прецизирани, туку остануваат да висат во воздух, нешто слично како „експерти и познавачи“, кои ама баш никогаш не добиваат име и презиме во тенденциозни текстови слични на овој. Дајте барем еднаш да видиме кои се тие пратеници, кои, како што се тврди во текстот, не се согласуваат со партиските политики и сакаат, наспроти курсот за бојкот, да седнат во пратеничките фотелји. Навистина, јас како дел од јавноста, би сакал да знам кои се тие луѓе кои се кршат за прашањето: продолжување на бојкотот или не. Секако, убаво би било да ни се пренесе и нивна изјава како потврда на кажаното.
ПОВЕЌЕ „БАЛОН“ ОТКОЛКУ КОРЕКТЕН ТЕКСТ
Текстот има доза на привлечност за читателското око, но тоа не се должи поради неговата „особено квалитетна“ содржина, туку поради сензационалистичкиот пристап истопорен, пред сѐ, во насловот. Но, откако ќе се прочита написот, ќе се увиди дека повеќе личи на „надуван балон“, отколку на издржан новинарски текст. Ако веќе се вели дека некој сака некого да маргинализира и се прави обид тоа да се проанализира, можело барем да се сврти еден телефон и да се добие официјален став од најголемата опозициска партија. Ама, претпоставувам, првичната идеја зад овој напис не била да се добие коректен информативен производ. Тоа се потврдува и со употребените формулации, кои на моменти се јасно неизбалансирани и наклонети кон една страна. Горчлив вкус остава и етикетирањето на медиуми за кои, како што се вели, се под контрола на опозицијата. Така само се дополнува општата слика за пристрасен напис што не било проблем за други сродни медиуми да го преземат и пренесат.
Заклучокот, без многу одолжување, би бил дека в раце имаме четиво наменето за оцрнување, а не за информирање.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
повеќе не отколку да
анонимни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
стилски уреден
поврзан со тагови