Рецензија: Од денеска 1600-те на работа
Објавено во Рецензии
on 5 - 12 - 2013 Автор: Зоран Бојаровски
Простете, но ова не може да се игнорира. Овој текст ги уништува и последните надежи и на најбрутален начин ја потврдува медиумската (не)култура и (не)писменост за која зборува Европската Комисија во својот извештај во однос на еден дел од медиумите во Македонија. Ова, што го рецензираме тука, е навреда за новинарството. Овде нема само медиумска неписменост, туку и елементарна неписменост.
Линк до оригиналниот напис: Од денеска 1600-те на работа
Датум и време на објавување: 02.12.2013 12:56
Датум на рецензирање: 04.12.2013
Рецензент: Зоран Бојаровски
Вистинитост: Дури и сето ова да е вистинито и неспорно, вака како што се известува за оваа „вистина“ е навреда и за таа вистина, потсмевање, непочитување на проектот, на луѓето кои се споменуваат. Прво тоа, а второ – полно е со неподнослива пропаганда. Да не заборавиме: неписмена пропаганда.
Извори на информации: Изворите на информации се ставени во недостоен „новинарски“ производ. Како ли може да се чувствува некој кој е „искористен“ со изјава за да биде ставена во толку медиумски неписмен текст?
Содржајност: Единствено во што е сеопфатен овој текст, е во неговата елементарна и медиумска неписменост. Мноштво граматички, правописни, синтаксички грешки… Неподносливо, навредливо неписмено. За кого е пишуван овој текст? За кого го уредувале овој текст уредниците? За што ја сметаат публиката на која и се обраќаат? Ова е навистина навредливо.
Единствено точно, без грешка, е напишано името и презимето на авторот. За нејзина несреќа.
Пристрасност: Апсолутна пристрасност. Апологија без усул.
Коментирање: Нема реченица, пасус без коментар, без пропаганда.
Оригиналност/Плагијат: Оригинален текст за студија на случај.
Квалитет на насловот: Насловот е како за некој каубојски филм: „12-те величенствени“, „300“, „101 далматинец“…
Фотографија: Којзнае зошто е ставена оваа фотографија? Министерот за образование, кој воопшто не се споменува во текстот, во „спонтан“ разговор со некои госпоѓи во бели униформи (???!!!???). И изборот на фотографијата ја отсликува елементарната медиумска неписменост. Освен ако не мислеле дека овој министер е сѐ уште не чело на Министерството за труд и социјална политика кое е одговорно за политиките за вработување. Ама не е веќе.
Говор на омраза: Уште тоа недостасува, па да биде комплетна оваа лакрдија од „новинарски“ продукт.
Заклучок: Зошто воопшто имало потреба ваков еден текст да се појави на официјалната страница на државниот медиум и уште да стои, еве веќе два дена?
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
веројатно
не може да се утврди точноста на наводите
делумно
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
несоодветен
нејасен
ФОТОГРАФИЈА
има
несоодветна
нема основа
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
солидни мултимедијални елементи
нема контекстуални линкови
стилски неуреден
неповрзан со тагови