verifikimiifakteve.mksitemap
verifikimiifakteve.mksitemap

Рецензија: Кокаинот корисен за човечкиот мозок – го зголемува капацитетот

on 2 - 09 - 2013       
Овој напис го има и на: Албански

Сензација по секоја цена, па и по цена на изнесување невистини! Тоа е првиот впечаток што се наметнува откако ќе се прочита целиот напис, кој првенствено провоцира со својот сензационалистички наслов, но и со содржината. Потребно е да се биде внимателен и упорен, да се истражи потеклото на информациите кои ги пласира порталот каде што овој текст е објавен, за да се открие вистината зад овој текст, а таа е сосема поинаква од тврдењето дека кокаинот е користен за човековиот мозок и дека му го зголемува капацитетот. Се работи за лошо сублимиран и уште полошо преведен сегмент од текст, објавен на сајтот MailOnline, за истражување спроведено на Калифорнискиот Универзитет, со кое е докажано дека кокаинот кај опитните глувци ги зголемува мозочните капацитети за учење и одлучување, но само за работи поврзани со пронаоѓањето и користењето на дрогата! Освен што е крајно непрофесионално направен, овој текст е и опасен бидејќи изнесува невистинити тврдења, со што ги релативизира штетните последици од користењето на оваа тешка дрога. Поради тоа, медиумот кој го објавил овој напис заслужува не само сериозни критики, туку треба да биде потсетен на одговорноста што ја има кон јавноста на која ѝ се обраќа за содржините и тврдењата кои ги објавува.

Рецензија: Кокаинот користен за човечкиот мозок - го зголемува капацитетот

Линк до оригиналниот напис: Кокаинот корисен за човечкиот мозок – го зголемува капацитетот

Датум и време на објавување: 26.08.2013

Датум на рецензирање: 27.08.2013

Рецензент: Југослава Дуковска

Вистинитост: Фактите што ги изнесува порталот се резултат на неразбирањето на прочитаното и на погрешна селекција на она што е важно од она што е помалку важно во преведувањето од оригиналниот текст на друг медиум.

Извори на информации: Целиот текст ќе звучеше комплетно паушално, бидејќи не е наведен ниту еден извор, релевантен или нерелевантен, освен синтагмата „американските научници,“ да не беше линкуван со оригиналниот текст на англиски јазик на Daily Online, во кој е цитиран авторот на студијата. За среќа, поупорниот читател на тој начин има прилика исправно да се информира за што станува збор.

Содржајност: Објавената вест е несеопфатна и прикрива информации, бидејќи пренесува само делови од текст објавен во странски медиум за научно истражување чиишто резултати не се оние наведени во оваа вест.

Пристрасност: Впечаток е дека извртувањето на вистината и лажните информации во овој текст произлегуваат од невниманието и неразбирањето на материјалот што бил преведуван.

Оригиналност/Плагијат: Изворот не е поименично наведен, но постои линк до оригиналниот текст.

Квалитет на насловот: Насловот е една од најслабите страни на написот, бидејќи е сензационалистички и шири невистини за употребата на тешката дрога кокаин.

Фотографија: Фотографиите се дел од илустрациите на текстот на MailOnline, но тоа не е наведено. Сепак, оставени се оригиналните ознаки за авторство на преземените фотографии.

Заклучок:  Да се преведе интересен текст од странски портал и да биде пласиран преку медиум  чија основна концепција е да го збогатува медиумскиот простор со интересни , забавни и информативни содржини навидум е лесна задача. Потребно е само да се пронајде интересен материјал, да се преведе и евентуално скрати и прилагоди на просторот. Притоа се подразбира дека одбраниот текст прво треба внимателно да се исчита и разбере, а потоа и квалитетно да се преведе и по потреба сублимира, а притоа да не се изгуби смислата на кажаното. Но, тоа овојпат  очигледно била претешка задача. Резултатот е текст во кој се тврди дека неименувани „американски научници“ откриле како кокаинот бил полезен за човековиот мозок, но увидот во оригиналниот текст укажува на нешто сосема друго.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

неточни наводи

неверодостојни наводи

infoVistinitostИЗВОРИ НА ИНФОРМАЦИИ

има евидентирани извори

неофицијални

нерелевантни

1 извор

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

лажни информации

не аплиактивно

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

делумна копија

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

наведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

квалитетни мултимедијални елементи

само еден

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести