Рецензија: Кој ја задушува Старата скопска чаршија?
Објавено во Рецензии
on 13 - 08 - 2014 Автор: Љубомир Костовски
Настанот кој се случи за време на викендот во Старата чаршија, а за кој известија практично сите медиуми и за кој долго се дебатираше на социјалните мрежи, наводното демолирање на локалот „Њу Орлеанс“, е предмет на обработка во овој напис. Навидум задоцнетото отворање на тој случај се оправдува низ фактот што текстот не се базира на очевидци и лица кои од втора рака чуле за настанот, туку се обидува на лице место да собере информации. За чудо, тие ја менуваат сликата која кај читателите се вкорени по првите медиумски одеци за настанот.
Линк до оригиналниот напис: Кој ја задушува Старата скопска чаршија?
Датум и време на објавување: 11.08.2014, 18:58
Датум на рецензирање: 12.08.2014
Рецензент: Љубомир Костовски
Ресторанот вчера работеше најнормално. Неколкумина гости уживаа во кафето и во ладното пиво на масите надвор. Проверивме двапати, прозорците не беа скршени. Чисто беше и внатре, шанкот беше во добра состојба.
„Јас не бев на работа, но колегите ми кажаа дека не се случило ништо сериозно, ниту, пак, имало кршење и напади врз вработените“, ни рекоа од персоналот во „Њу Орлеанс“.
И во скопската полиција зачуденост од „тежината“ со кој што беше претставен викенд-инцидентот во Старата скопска чаршија.
Откако дошло сознанието дека целата приказна е веројатно надуена, авторот направил разговор со две познати имиња – постојани гости во Чаршијата, кои и се добри познавачи на медиумите. Едниот од нив (Петрит Сарачини) проценува дека за овој настан не се известувало професионално. Додека другиот (Џабир Дерала) вели дека со настаните во Чаршијата и со емоциите лесно се манипулира и дека прва жртва се меѓуетничките односи.
Добро е, секако, кога ќе дојде напис кој се обидува информациите да ги бара на лице место. Сѐ уште сме збунети како некои написи говореа од аспект на директни сведоци на настанот. Посебно се издвојува текстот „Ноќеска во чаршијата“, кој преку описите на тепачката и мотивите нѐ застрашува. Впрочем и самата власт реагираше така – одново видовме на малите екрани како двајца виновници, кои наводно биле провоцирани од песната „Распукала Шар Планина“, па направиле „крш“ во објектот, на спектакуларен начин се приведени. Беа дадени нивните лични податоци, посочено е дека се и поранешни сторители на слични дела!
Ако денес полицијата тврди дека е тоа банална тепачка, зошто тогаш не ѝ се извини на јавноста и на уапсените, бидејќи веќе јавно ги избламира за нешто што значи сеење на меѓунационална омраза. Ако, пак, подоцнената информација не е точна, треба да го укори службеникот дека минимизира проблем кој не е за подценување?!
Ова значи дека пред себе имаме текст кој бара од овој настан да има барем уште еден прилог во кој треба да се дорасчисти со сето она што го проследуваше овој мал или голем инцидент. Вака, останува нешто недоречено во воздухот, а првичните реакции се сѐ уште посилни и подоминантни.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
можеби се прикриени информации
ПРИСТРАСНОСТ
делумно прикажува вистина
не може да се утврди
нема лажни информации
балансираност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови