Рецензија: И Германците потврдија: На Заев не може да му се верува
Објавено во Рецензии
on 7 - 03 - 2015 Автор: Зоран Бојаровски
Насловот, каков што е изведен на медиумската содржина што ја рецензираме, не само што не е точен и не само што нема ниту една причина да биде така формулиран, туку претставува сериозна измама на јавноста и грубо прекршување на Кодексот на новинарите и на сите можни професионални стандарди во новинарството.
Тука може и да заврши оваа рецензија. Но, повторно, заради објавените принципи на темелност и на сеопфатност во анализите на новинарските текстови што си ги има зададено проектот „Сервис за проверка на фактите од медиумите“, ќе ја завршиме оваа оцена без да има какво било сомневање во неа.
Линк до оригиналниот напис: И Германците потврдија: На Заев не може да му се верува
Датум и време на објавување: 04.032015, 15:41
Датум на рецензирање: 06.03.2015
Рецензент: Зоран Бојаровски
Серизоно е повредена вистинитоста во овој текст. Германската амбасадорка никаде во својата изјава ниту навестува нешто од што може да се изведе наслов дека на лидерот на опозицијата не може да му се верува. Таа, како што доликува на амбасадорка, само изразува сериозна загриженост и „очекува сеопфатна и независна истрага“. Во нејзината изјава нема ништо од тоа што го навестува насловот. Најмалку така формулиран „Пи-аР саундбајт“: „На Заев не може да му се верува“.
Сето останато е компилација од изјави и од настани во кои ништо не асоцира на насловот. Тие служат, така врамени, само да создадат илузија дека насловот „држи“. Дури и тоа не е направено професионално. Напротив, направена е селекција за да се избегнат острите и прецизни оцени на настапите на високата претставничка за безбедносна политика на ЕУ, Федерика Могерини, и на еврокомесарот за соседска политика и проширување, Јоханес Хан.
Во изјавата на Могерини ја нема клучната констатација:
„Се плашам дека веќе не е прашање дали во Македонија ќе има нестабилност.“
Останатите изјави во оваа компилација се во функција на истакнување на барањата за ставање на кризата во институционални рамки.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
Делумно
делумно
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
квалитетни мултимедијални елементи
нема контекстуални линкови
делумно стилски уреден
неповрзан со тагови