Рецензија: Тие ни ги ебаа фасадите, а ние држава ќе им даваме да водат
Објавено во Рецензии
on 7 - 03 - 2015 Автор: Владо Ѓорчев
Ако ова може да се нарече текст, тогаш тоа е многу лош новинарски производ. Целиот е коментаторски, а ставен е во рубрика „Македонија“ како ударна вест. Воопшто не се труди да докаже нешто, ниту да понуди извор, да биде содржан и објективен. Насловот е тенденциозен, невистинит и сосема непотребно безобразен, со оглед на тоа што содржи уличарски термин. Целиот напис, исто така, е напишан без почитување на ниту едно правило од важност за еден новинарски текст.
Линк до оригиналниот напис: Тие ни ги ебаа фасадите, а ние држава ќе им даваме да водат
Датум и време на објавување: 05.03.2015
Датум на рецензирање: 06.03.2015
Рецензент: Владо Ѓорчев
Прво, мора да се каже дека насловот е вулгарен и недостоен за еден новинарски производ, особено во весник кој има, каква-таква, сепак, децениска традиција.
Понатаму, во написот има уфрлени коментари под превез на цитирани граѓани. Воопшто нема објективност зошто ако имало, сигурно во текстот би била вметната и информацијата дека паралелно се случуваше и акција за пречкртување на графитите. Медиумите објавија дека по појавата на графити (не е спорно дека тие се појавија како печурки по дожд), експресно беше спроведена акција за нивно отстранување или пречкртување.
Во текстот без ниту еден доказ се тврди, и тоа категорично, дека графитите ги пишувале членови или активисти на СДСМ:
„Но, и тука СДСМ решава нашето да го стави во своја функција. На туѓ имот, туѓ труд и работа да испишува свои пароли, за свои партиски потреби. Да уништува наш приватен и јавен имот за да врши своја пропаганда. Нивните партиски пароли, на илјадници, се испишани низ Скопје по нашите фасади, скали, излози, сообраќајни знаци, жардињери… со што тие се уништени.“
И покрај ваквото директно тврдење, воопшто не се нудат аргументи дека зад графитите стојат членови на СДСМ. Како е дојдено до таков заклучок? Недостиг од докази за тоа кој ги напишал графитите не мора да значи дека се од некоја партија. Може да се и граѓани кои се вознемирени од содржините на разговорите. Зошто тогаш оваа дилема не е изнесена во текстот? Така тој би добил содржајност и објективност. Дали, ако се следи оваа логика на текстот, тоа значи дека графитите со пораки против опозициската партија се напишани и потпишани од ВМРО-ДПМНЕ и од УМС на оваа партија?
Текстот со вакви тези се занимава од почеток до крај. Мора и да се напомене дека поголем дел од фотографиите се преземени од новинската агенција „Мета“, а притоа не се атрибуирани, ниту е наведен нивниот извор.
Ова е текст кој има една цел, да исмее и да омаловажи. Друга логика за постоење на текстот не може да се извлече. Притоа, тој е полн со недокажани тези, коментари… Затоа, единствено што може да се каже е дека ова „дело“ е пример како не треба да изгледа еден новинарски текст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност, друга пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови