Интересна медиумска содржина, ама неточна
Објавено во Рецензии
on 27 - 06 - 2015 Автор: Оливера Војновска
[Рецензија: Груевски ќе го вади зариениот нож, Љубчо ќе се врати во ВМРО-ДПМНЕ]
Станува збор за интересна медиумска содржина, која, на прв поглед, го привлекува вниманието на публиката, што се гледа и по бројот на посети (околу 15.000 до 22 часот на 25 јуни 2015 година). Текстот паѓа в очи уште со изборот на провокативниот наслов со кој се нуди сигурна информација. Но, дали е навистина така?
Линк до оригиналниот напис: Груевски ќе го вади зариениот нож, Љубчо ќе се врати во ВМРО-ДПМНЕ
Датум и време на објавување: 24.06.2015, 23:57:05
Датум на рецензирање: 25.06.2015
Рецензент: Оливера Војновска
А, ДА СЕ ПРАША ЉУБЧО!?
Начинот на кој е напишан и пласиран овој материјал ги става под прашалник професионалните и етички стандарди, кои налагаат точноста на информацијата да се провери од што е можно повеќе, а најмалку од два меѓусебно неповрзани извори.
Во конкретниот случај, во прашање е едностран и шекулативен текст, чија вистинитост не може да се потврди. Тој се повикува на анонимни партиски извори и ја дава приказната само од еден агол.
Втортата страна – лидерот на ВМРО-НП, Љупчо Героргиевски, личноста на која фактички се однесува написот, е целосно игнорирана. Нема изјава од Георгиевски за да се види дали тој потврдува или негира дека „ВМРО-НП ќе коалицира со ВМРО-ДПМНЕ“. Не се забележува ниту дека имало обид да се добие став од него.
А, исто така, нема ниту потврда дека премиерот и лидер на ВМРО-ДПМНЕ „ќе го вади зариениот нож“! Во текстот не е пренесена изјава од Груевски или, пак, од владејачката партија, која би можела да се толкува во правец на ваквото тврдење.
ДЕМАНТИРАНА „ВИСТИНА“
Всушност, текстот нема проблем само со изворите, туку и со фактите. Тој не се темели на конкретни факти, не посочува докази дека:
„Лидерите на ВМРО-ДПМНЕ, Никола Груевски, и на ВМРО-НП, Љубчо Георгиевски, речиси договориле пак да бидат заедно…“
„…најверојатно идната недела можно е да биде објавена коалиција на ВМРО-ДПМНЕ и ВМРО-НП. Георгиевски и Груевски веќе постигнале договор, но се уште во редовите на партијата на Георгиевски имало противници на таков дил…“
Написот се потпира на импресии, говори за „сигнали за затоплување на односите на лутите партиски непријатели“, наместо да прикаже прецизна аргументација дека „Љупчо ќе се врати во ВМРО-ДПМНЕ“, како што убедува насловот. А, дополнително, таква манипулативна порака испраќаат и старите фотографии (од периодот по парламентарните избори во 2002 до 2004 година – кога ВМРО-ДПМНЕ беше во опозиција, а Георгиевски и Груевски сè уште ги немаа раздвоено патиштата), со кои е илустриран текстот.
Во содржинскиот дел, единствено се анализираат изјавите и предлозите на Георгиевски, особено оние дадени по објавувањето на прислушуваните телефонски разговори. Се редат настани и се изведуваат заклучоци.
И, тие заклучоци можеби се точни, но можеби не се. Сепак, читателите не можат да ја прифатат субјективната перцепција на неименуваниот автор, како неприкосновена вистина. Онаа „вистина“ што самиот портал неколку часа подоцна категорично ја демантираше, објавувајќи изјава на Георгиевски дадена за друг медиум.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неверодостојни наводи
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
креативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови