Рецензија: Граѓаните му порачаа на Заев дека стојат зад реформите на власта
Објавено во Рецензии
on 19 - 03 - 2015 Автор: Оливера Војновска
Ова е еден од серијата агитпроповски текстови (објавени на истиот медиум) посветени на настапот на премиерот на партискиот собир во Спортскиот центар „Борис Трајковски“ (15 март 2015 година). Прилогот, без никаква критичка дистанца, го величи лидерот на владејачката партија, при што наликува како материјал од некое партиско гласило.
Линк до оригиналниот напис: Граѓаните му порачаа на Заев дека стојат зад реформите на власта
Датум и време на објавување: 16.03.2015
Датум на рецензирање: 17.03.2015
Рецензент: Оливера Војновска
ПРЕЏВАКУВАЊЕ
Материјалот е објавен еден ден по партиската трибина и во него, всушност, само се „преџвакани“ некои поенти од говорот на премиерот. Впрочем, за настанот во салата „Борис Трајковски“ на 15 март, медиумот веќе опширно известуваше (во повеќе прилози), па во написот што го рецензираме не кажува ништо ново.
Тој остава впечаток како да е правен за на гледачите уште еднаш да ја им испрати пораката дека „премиерот ужива огромна поддршка, и тоа не само од партиското членство, туку воопшто од граѓаните“. Само што, во овој прилог, наместо првичната еуфорична процена, дека на трибината се собрале над 50.000 граѓани, сепак, се употребува малку повнимателна формулација „десетици илјади граѓани“, односно „над 15.000 граѓани во спортскиот центар и двојно повеќе пред салата“.
СÉ НАЈДОБРО ЗА ВЛАСТА
Написот нагласено се труди да креира атмосфера за исправноста на политиките на владејачката пратија (премиерот), а во исто време со сите сили го напаѓа лидерот на опозицијата.
Фактички, преку генерализирање и добро пресметан политички спин, со насловот и со првата реченица во јавноста се испраќа манипулативната порака:
„Граѓаните му порачаа на Заев дека стојат зад реформите на власта“
„Народот го сруши сценариото на Зоран Заев“
Иако е сосема јасно дека масовното присуство на партиските членови и симпатизери на ВМРО-ДПМНЕ, кои, според дел од медиумите, на собирот пристигнале со автобуси од целата држава, никако не може да се протолкува како општа народна поддршка и верба во проектите на власта!
Во овој исклучително тенденциозен прилог скроен во стилот „сè најдобро за власта“, се турка и тезата на владејачката партија дека опозицијата се впуштила во заговорничко сценарио против сопствената држава:
„Десетици илјади граѓани вчера кажаа гласно не на обидот на опозицијата со помош на странските служби да ја дестабилизира Македонија.“
Па, иако се работи за целосно непоткрепено тврдење, медиумот го издигнува на ниво на неприкосновена вистина. Несомнено, воден од идеја да ги дискредитира опозицијата и нејзиниот лидер, притоа свесно ставајќи се во функција на политичка пресметка. Тоа е неприфатливо и недозволиво за стандардите на добрата новинарска практика, која подразбира новинарот да обезбеди дистанца од политичките субјекти.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
делумно стилски уреден
неповрзан со тагови