Рецензија: Градоначалниците на ВМРО-ДПМНЕ на средба со граѓаните
Објавено во Рецензии
on 27 - 10 - 2014 Автор: Александар Писарев
Рецензираме еден од серија текстови во медиумите каде се следи патешествието на градоначалниците од ВМРО-ДПМНЕ и на нивните соработници низ населените места во Македонија за да се „чуе гласот на народот “ за проблемите кои го тиштат и да се презентираат успешните владини политики.
Според содржајноста на објавеното, како да се работи за монолог на градоначалниците, бидејќи никаде ја нема втората страна. Граѓаните, кои се очигледно дел од овој настан, ги нема никаде. Дали и тие нешто кажале, прашале, пофалиле…, бидејќи насловот гласи „Градоначалници на ВМРО-ДПМНЕ на средба со граѓаните“…
Без оглед што се работи за фотосесија, овој новинарски производ е со нагласена и изразена интенција да го наметне само мислењето на политичарите, а не да ја даде реалната слика на настанот. Бидејќи од приложените фотографии, сепак, се гледа дека и граѓаните нешто кажале.
Линк до оригиналниот напис: Градоначалници на ВМРО-ДПМНЕ на средби со граѓаните
Датум и време на објавување: 23.10.2014 15:14
Датум на рецензирање: 24.10.2014
Рецензент: Александар Писарев
ЕДНОСТРАНО ИЗВЕСТУВАЊЕ
Во теоријата на новинарството, ова би се дефинирало како еднострано известување од настанот, односно прикажување само на едната страна, што создава нејасна слика кај публиката со изразен недостиг на балансирано известување и со свесно занемарување на втората страна.
„Градоначалници на ВМРО-ДПМНЕ даваат отчет директно пред граѓаните, на јавни собири, за својата работа, за проектите кои ги реализираат и за степенот на исполнување на програмата со која ја добиле довербата.“
Граѓаните се спомнуваат само како објекти, а не како рамноправни во дијалогот кој се води на настанот.
„Градоначалници на ВМРО-ДПМНЕ на овој начин ќе останат во близок контакт со граѓаните, ќе ги видат директно на терен проектите кои се во тек на реализација, но и ќе ги слушнат реалните потреби и прашања на граѓаните.“
Извештајот е направен од настанот, но недостигаат прашањата на граѓаните, кои на настанот се упатени директно до градоначалниците.
СЛИКА „БЕЗ ТОН“
Од приложените фотографии и од текстот се гледа дека граѓаните разговарале со претставниците на локалната самоуправа од ВМРО-ДПМНЕ и, веројатно, нешто кажале или прашале.
„Средбите се одржуваат со сите граѓани. Овие средби имаат за цел да се утврдат потребите и приоритетите на граѓаните, и кон нив, низ реална динамика, да се пристапи да се реализираат.“
А, што кажале граѓаните? Кои се нивните приоритети? Како тие ги оцениле проектите и колку, според граѓаните, тие се прилагодени на нивните потреби? Дали ги пофалиле или кртикувале? Втората страна во настанот не постои, ја има на фотографиите, ама „без тон“.
Можеби втората страна има различни ставови. Со вакво претставување на настанот, не ѝ е дадена можност на публиката, врз основа на сопствените критериуми и ставови, да процени што е исправно и прифатливо во целиот настан. Така што, прилогот не може да се прифати како целосно прикажување на настанот.
ПОД ДИРИГЕНТСКА ПАЛКА
Известувањето од овој настан е очигледно направено по линија на помал отпор и според потребата да се спинуваат политиките на одредени играчи на политичката сцена, чија моќ е значителна. Во веста ги нема граѓаните, но затоа се говори дури и за логистичките детали на активностите на политичарите:
„После теренските посети на пратениците и со овиие посети на градоначалниците на ВМРО-ДПМНЕ, партијата покажува силна агилност и секојдневно присуство секаде низ Македонија, во секое населено место. Ова активност на градоначалниците на ВМРО-ДМНЕ не е поврзана и не се спроведува заедно со теренските активности на пратениците од партијата, но постои силна комуникација и координација.“
Повреден е член 14 од Кодексот на новинарите на Македонија.
„Известување од политички процеси треба да биде непристрасно и избалансирано. Новинарот мора да обезбеди професонална дистанца од политички субјект.“
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови