Напис ставен во функција на политичка пресметка
Објавено во Рецензии
on 16 - 04 - 2015 Автор: Оливера Војновска
[Рецензии: Нов автогол на Заев – никој не верува во небулозните обвинувања]
Рецензираме исклучително тенденциозен и манипулативен материјал, кој со сите сили се труди да го оцрни лидерот на СДСМ, а со насловот добива и навредлива конотација. Директен повод за текстот е 20. по ред „бомба“, која Заев ја објави еден ден претходно (14 април 2014 година), а која, според него, покажува „дека не постои поделеност меѓу партијата и државата, дека државата е узурпирана од ВМРО-ДПМНЕ и дека вработувањата во администацијата се прават исклучиво со партиски список…“
Линк до оригиналниот напис: Нов автогол на Заев- никој не верува во небулозните обвинувања
Датум и време на објавување: 15.04.2015, 14:26
Датум на рецензирање: 16.04.2015
Рецензент: Оливера Војновска
ИЗВИТОПЕРЕНА ВИСТИНА
Ова наменски скроено, критизерско четиво, ја извитоперува вистината и острицата на нападот ја насочува кон шефот на опозицијата. Со веќе востановената тактика за спинување, се изместува тежиштето на темата од аудиоснимките, кои, според СДСМ, говорат за полнење на државните институции, вклучитено судовите, болниците и факултетите, со кадри од владејачката партија.
Притоа, текстот целосно го игнорира содржинскиот дел од прислушуваните разговори, кои, наводно, докажуваат дека државните вработувања биле правени со директна инволвираност на премиерот, неговиот прв братучед – директорот на УБК, министерката за внатрешни работи, парламентарниот спикер… Нештата се поставуваат наопаку и фокусот на приказната се става на Заев. За таа цел се користат фрагменти од неговите настапи на партиски трибини, кои се претставуваат како „крунски доказ“ дека: „никој не му верува на Заев, бидејќи партискиот реваншизам и партиските вработувања се својствени за СДСМ“. Инаку, овие тонски парчиња (за кои Заев тврди дека се извадени од контекст), постојано се употребуваат како „аргумент“ за дискредитација на лидерот на социјалдемократите.
ПОЛИТИЧКА ПРЕСМЕТКА
Во истиот оцрнувачки дух продолжува и вториот дел од текстот, во кој Заев се критикува за антидржавно однесување и за тоа дека со политичките бомби „открил чувствителни податоци за безбедносните служби и планот за кадровско зајакнување на тајните служби“. Ваквите наводи, кои фактички одат на линија на обвинувањата на власта, се протнати зад параванот „коментираат познавачите“, кои, пак, вообичаено за овој тип текстови, се анонимни.
Манирот во кој е пласиран материјалот што е предмет на оваа рецензија, јасно покажува дека мотивите за неговото пишување немаат некоја допирна точка со новинарството. И наспроти професионалите стандарди, кои налагаат дека основна задача на новинарите е да ја почитуваат вистината, да настојуваат да ја спречат цензурата и искривувањето на вестите, да бидат објективни и да обезбедат дистанца од политичките процеси, тука е направено токму спротивното. Написот е ставен во функција на политичка пресметка и затоа заслужува негативна оценка.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
официјални, неофицијални, анонимни
релевантни, нерелевантни
повеќе извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови