Рецензии: Дојдов да го оставам пушењето, може ли да запалам?
Објавено во Рецензии
on 3 - 06 - 2014 Автор: Љубомир КостовскиРепортажата е потиснат жанр во нашите медиуми, особено што се смета дека најлесно ја губи битката со телевизијата и сличните електронски ширења на информации, особено на планот на уверливоста. Она што во одредени случаи го прави жанрот привлечен и дури ненадминлив е, секако, непосредноста и хуморот, кои пак не можат да се местат така лесно ако новинарот им става камери и микрофони на лицата со кои разговара, во било каква прилика. Непосредноста е креатор на духовните реплики, а сето друго е глума и сцена за која се подготвени само професионалците.
Ова го докажува и посетата на новинарка на една групна – да ја наречеме така- терапија која е организирана за оние кои решиле од порокот на пушењето да се откажат и тоа со стручна помош на Институтот за белодробни заболувања и ТБЦ во Скопје.
Линк до оригиналниот напис: Дојдов да го оставам пушењето, може ли да запалам?
Датум и време на објавување:28.05.2014 18:34
Датум на рецензирање:29.05.2014
Рецензент: Љубомир Костовски
„Пушев цели 40 години – од својата 10. година, а решив да прекинам кога добив бронхитис и трпев големи болки во градите, а косата на глава ми се крена кога и на слика во советувалиштето видов што ми сторил катранот во белите дробови! Kога ќе ми се припуши, ставам гума за џвакање во уста, но цигари не палам веќе 20 дена – ни рече Тони Дојчиновски од Тетово (51), еден од оние што решиле од овој порок да се откажат .“
Официјално тоа се нарекува „групна едукација“, но сведоштвата (забележани и од присутната новинарка) секако треба да имаат интерактивно дејство: секој од другите слуша како тие се обидувале да прекинат со пушењето. Зошто тоа не им успевало и како тоа се одразило врз нивното здравје, што е секако најсилното предупредување: се работи за лица, кои, во најмала рака, имаат ХОББ (хронична белодробна болест).
Репортажата регистрира дека најголем дел од присутните немаат особено силна волја, „почетници“ се во апстиненцијата, па често измислуваат најбанални изговори да излезат надвор, веројатно и за да запалат. Некои тоа го претвораат и во отворена молба од типот „само уште сега“, што сѐ на сѐ, раѓа разни хуморни ситуации, но и говори за нашиот менталитет.
Не е јасно дали новинарката присуствувала со сокриен идентитет на сеансата или, пак, само користи прераскажани „преживелици“ на пациентите, но и на лекарката, д-р Маја Закоска, но сеедно, текстот на моменти има елементи на „директен пренос“ и тоа покажува дека репортажа заслужува „долг и безгрижен живот“.
Текстот, сепак, дава и доволно информативни елементи за да ги натера и другите никотински зависници, кои евентуално ќе посакаат да се одрекнат од тој статус, да можат да „пресечат“. Дадени се сите инструменти кои стојат на располагање: од никотински мастики, да речеме, преку антидепресиви и слично и нивната примена може може се долови низ автентични сведоштва, така што директната форма на комуникација во овој случај има и друго оправдување, дејствува нависитна превентивно, бидејќи ја задржува искреноста во релацијата новинар-пациент, а оттаму и како таква се пренесува до јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
балансираност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови