Равенство меѓу пријател и фејсбук-пријател
Објавено во Рецензии
on 14 - 01 - 2016 Автор: Владо Ѓорчев[Рецензија:Катица Јанева е пријателка со Захир Бекири Чаушот]
Овој текст има спинерски наслов: „Катица Јанева е пријателка со Захир Бекири Чаушот“. Специјалната обвинителка Јанева, всушност, е пријател со Бекири на „Фејсбук“, што е различно.
Линк до оригиналниот напис: Катица Јанева е пријателка со Захир Бекири Чаушот
Датум и време на објавување: 10.01.2016, 23:32
Датум на рецензирање: 14.01.2015
Рецензент: Владо Ѓорчев
„ФЕЈСБУК“ – КРУНСКИ ДОКАЗ!
Тоа што Катица Јанева е со некого пријател на „Фејсбук“, не значи дека е пријател со таа личност и во приватниот живот. Таа може и воопшто да не го познава Бекири, како што, впрочем, е случај со голем број ФБ-пријателства. А и да го познава, тоа не е некаков грев. Тоа не менува ништо во врска со нејзините задачи и компетнции што произлегуваат од функцијата што ја извршува. Но, во насловната конструкција намерно се става знак на равенство меѓу „пријател“ и „ФБ-пријател“ и во јавноста сè испраќа манипулативна порака која ја става обвинителката во негативен контекст.
По истиот принцип, во написот се прави линк меѓу Бекири и опозицијата. Притоа, повторно како „доказ“ се посочува тоа што тој е фејсбук-пријател со неколку личности од опозициските редови.
Текстот, практично, е содржински празен. Тој има три реченици „поткрепени“ со два принтскрина од ФБ-профилот на Бекири. И тоа е сè. Во него ја нема втората страна. Не е побаран став од Јанева и од опозиционерите што се споменуваат, туку, онака, со леснотија се етикетираат – само затоа што ги има на листата на ФБ-пријатели на Бекири.
Ваквиот начин на пишување и на пласирање информации нема некоја допирна точка со новинарството. Во оваа некоректна медиумска содржина, затаиле принципите на добрата новинарска практика. Таа наликува на политички мотивирана (дез)информација, која има цел да ја спинува вистината и да дискредитира.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
стилски уреден
поврзан со тагови