Предупредување: снежна бура од наслов!
Објавено во Рецензии
on 14 - 01 - 2016 Автор: Силвана Жежова
[Рецензија: ПРЕДУПРЕДУВАЊЕ: Подгответе се снежна бура во Македонија]
Насловот на текстот (со зацрнети и големи букви) има интенција да го привлече вниманието на читателите и притоа тој свесно предизвикува паника дека ќе ни се случи снежна бура! Дури, направен е таков избор на насловната конструкција што прозвучува како„бурата“ да се случува во моментот. Имајќи предвид, пак, дека сите официјални предупредувања од можни временски непогоди ги издава Управата за хидрометеоролошки работи, насловот без конкретни докази во текстот ја дезинформира јавноста.
Линк до оригиналниот наслов: ПРЕДУПРЕДУВАЊЕ: Подгответе се снежна бура во Македонија
Датум и време на објавување: 13.1.2016
Датум на рецензија: 14.1.2016
Рецензент: Силвана Жежова
СЕЕЊЕ ПАНИКА
Во содржинскиот дел на написот нема елементи што ќе го поткрепат тврдењето искажано во паничниот наслов: „ПРЕДУПРЕДУВАЊЕ: Подгответе се снежна бура во Македонија“. Принтскринот од веб-страницата за прогноза на времето, што е употребен како илустрација на текстот, укажува на сончево и умерено облачно време, а не на снежна бура.
Текстот се повикува и на информации од Управата за хидрометеоролошки работи, кои се однесуваат на студено време и на врнежи од снег, ама и од УХМР нема предупредување за снежна бура.
„Од македонската УХМР најавуваат дека времето утре ќе биде променливо облачно, во југозападните и североисточните делови ќе има слаби врнежи од дожд, на повисоките места од дожд и снег, а на планините од снег. На запад ќе дува умерен до засилен западен ветер, особено на планините.“
Исто така, на фејсбук-страницата на УХМР има известување за тоа какво време нè очекува во наредните денови, вклучително и за претстојниот викенд (16 -17 јануари 2016), но и тука не се споменува „снежна бура“.
Од друга страна, иако во насловот на читателите им се сугерира да се подготват, никаде во текстот не се нудат информации на кој начин да го сторат тоа.
Знаејќи, пак, дека временската прогноза ја следат бројни институции, субјекти чие непречено функционирање во голема мера зависи од временските услови (аеродроми, градежни компании), материјалот што го рецензираме без соодветна поткрепа на тврдењата, ја дезинформира јавноста и може неагативно да влијае врз плановите за работа, динамиката, патувањата…
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
2 извори
повеќестрани
СЕОПФАТНОСТ
сеопфатнo
можеби се прикриени информации
ПРИСТРАСНОСТ
делумно прикажува вистина
има во насловот
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
креативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови