Површно, многу површно
Објавено во Рецензии
on 2 - 12 - 2015 Автор: Зоран Бојаровски
[Рецензија: Турција има моќна армија – еве што го чека Путин ако сака да ја уништи]
Охрабрува тоа што сѐ повеќе граѓани реагираат на непрофесионални новинарски содржини. Барем според нивните предлози за реакции на „Сервис за проверка на фактите од медиумите“. Оваа рецензија е поттикната токму од еден таков предлог на наш читател, кој уште во првата реченица „препознал практика на манипулатори со кликови (не заслужуваат назив медиуми) да се стави наслов кој ја користи чувствителноста на ситуацијата“.
Иако може да се најде оправдување и разбирање за стилот на реакцијата, ќе ги прескокнеме во рецензијата поострите зборови на предалагачот, но ако е некој љубопитен што прескокнуваме, слободно може да си прочита сам во категоријата „Сите предложени написи“, на веб-страницата на СПФМ.
Линк до оригиналниот напис: Турција има моќна армија – еве што го чека Путин ако сака да ја уништи
Датум и време на објавување: 25.11.2015 – 21:01
Датум на рецензирање: 01.12.2015
Рецензент: Зоран Бојаровски
МАНИПУЛАЦИИ, ПРОПАГАНДА И КЛИКОВИ
Како и да е, крајно непрофесионално е да најавите во насловот сторија за моќна армија, да го засолите тоа со најава „што го чека Путин ако сака да ја уништи“, а потоа да наредите линкови од „Јутјуб“ на кои се прикажани одделни борбени средства на турската армија.
И мало дете знае дека тој тип видеоснимки имаат промотивна и пропагандна функција и дека никако не можат да бидат вклучени во новинарски текст, на толку сериозна тема во толку сериозни и кризни времиња, без потребната професионална новинарска дистанца и избалансираност.
Кога новинарите се впуштаат во презентација на вакви деликатни содржини, тогаш тоа мора да се прави со посредство на експерти, стручни лица од областа на армиската и на воената сфера.
Затоа е сосема во право нашиот читател кој ни укажа на оваа неодржлива медиумска содржина кога вели:
„Ако сакаш да прикажеш некаква споредба на силите треба да ги претставиш двете армии, опрема и проценка на бројна состојба на копно, море, воздух итн… Потоа искуство од досегашни борбени дејствија… „За“ и „против“ аргументи за воен колфликт…“
Не е исклучено дека вакви видеоматеријали какви што се (зло)употребени во оваа медиумска содржина можат да се користат, но само со дополнително известување за тоа од каде доаѓаат, кој ги продуцирал, која е нивната првенствена намера…
Оттаму, не ни останува ништо друго освен да заклучиме дека единствена цел на оваа „сторија“, озаглавена со манипулативен наслов, е да освои што повеќе кликнувања.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови