Новинарско „самоутепание“ од заседа
Објавено во Рецензии
on 23 - 02 - 2016 Автор: Зоран Бојаровски[Рецензија: Ванхауте впери пиштол во државата]
Република Македонија е чудесна земја. Со уште почудесно новинарство. Од Господ дадено за да се пишуваат рецензии за изблиците на непрофесионалност која ги надминува сите граници на возможното. И секогаш изненадува со нови „достигнувања“.
„Сервисот за проверка на фактите“ е сериозен проект, но понекогаш треба да се занимава со многу несериозни новинарски производи за кои постојат сосема соодветни квалификации. Ама заради сериозноста и одговорноста на овој проект и на неговите спроведувачи, сепак нема да ги употребиме. За жал.
Еден таков изблик е овој, што е предмет на оваа рецензија. Пред нас имаме еден случај во кој еден сосема духовита твитер-објава и мачешко „меме“ се целосно извртени и спинувани во потерница. Во хајка против главата на олеснувачот во политичките преговори во нашата земја.
Линк до оригиналниот напис: Ванхауте впери пиштол во државата
Датум и време на објавување: 21.02.2016, 13:54
Датум на рецензирање: 22.02.2016
Рецензент: Зоран Бојаровски
СПИН – ПОМИЈАРНИК
Оттука натаму, овој текст, кој се нарекува медиумски само затоа што е објавен на интернет-платформа која сака да биде медиум, се претвора во уште еден производ на опристрасеното, исполитизирано, партизирано, хушкачко и недостојно за професијата, „новинарство“.
Но, не можеме да останеме должни за да не го протолкуваме начинот и манипулацијата со која мачката, граѓанинот – стана државата, а пиштолџија стана – белгискиот олеснувач.
За да се направи овој спин – помијарник, се извртува приказната за „меме-мачките“ која стана популарна меѓу граѓаните во Брисел по терористичките напади во Париз, кога беше најавено дека следна мета на терористите е Брисел.
Граѓаните на овој град, за да покажат дека нема да бидат исплашени и ставени во глувчешка дупка, се претворија во мачки кои почнаа да се самоорганизираат и едуцираат за самоодбрана од тероризам, откако нивната влада побара да се воздржат од коментари на социјалните мрежи за да не ги компромитираат акциите на полицијата!? Токму така, граѓаните мачки иронизираа и се потсмеваа на наивното барање на полицијата. Целиот свет така го сфати и така го толкуваше тоа. Ама, некои македонски медиуми не би биле тоа што се ако не ја извртеа таа поента во своја, бесмислена, полза.
Питер Ванхауте е новинар, писател и поранешен член на белгискиот парламент. Освен новинарски текстови, тој е автор на неколку поетски и книги со раскази. Ние се уверивме дека тој лесно сублимира политички феномени во кратки и разбирливи форми. Се разбира, за тој што сака така да ги види и да ги прочита.
Овој текст си впери пиштол сам себеси и си изврши новинарско „самоутепание“ од заседа. Увидот на форензичарите е невозможен зашто се кинат од смеење и не се во можност да си ја извршат работата!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
селективно наведен автор (извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
поврзан со тагови