Манипулативно „мјаукање“
Објавено во Рецензии
on 23 - 02 - 2016 Автор: Симона Атанасова
[Рецензија: ВИДЕО: Куновска мјаукаше на комисијата за универзитетот „Дамјан Груев“ во Собранието]
Написот, кој е целосно едностран, е посиромашен за ставот на пратеничката Софија Куновска и за нејзината верзија на случувањето. Нема изјава од ниту еден друг присутен член на седницата на Kомисијата за образование, кој може да потврди или да негира дали вакво нешто се случило.
Линк до оригиналниот напис: ВИДЕО: Куновска мјаукаше на комисијата за универзитетот „Дамјан Груев“ во Собранието
Датум и време на објавување: 19.02.2016, 20:01
Датум на рецензирање: 22.02.2016
Рецензент: Симона Атанасова
КАДЕ СЕ ГЛЕДА ДЕКА КУНОВСКА „МЈАУКА“?
Текстот, што е предмет на анализа, изнесува тврдење дека пратеничката на СДСМ „мјаукала и го плазела јазикот“ за време на собраниската Комисија за образование која расправа за законот за универзитетот „Дамјан Груев“.
Притоа во текстот е закачена видеоснимка која има цел „навидум“ да го докаже ова тврдење, но, всушност, не покажува ништо друго освен гласните забелешки на претседателката на Комисијата, Олга Најденовска, дека пратеничката Куновска „мјаука“.
Но, во видеозаписот не може да се слушне наводното „мјаукање“ на Куновска, ниту, пак, има кадар во кој може да се забележи дека таа го „плази јазикот“.
Во завршниот дел на оваа медиумска објава се забележуваат коментаторски елементи, па дури и осуда на Куновска за нешто што не знаеме дали навистина го направила, со што се наведува читателот да добие негативно мислење за пратеничката. Згора на сè, се коментира за културата и за домашното воспитување на Куновска.
„И после неколкуте апели од страна на претседавачот до пратеничката Куновска да се воздржи од мјаукање, ваквиот специфичен начин на анимален парламентаризам очигледно беше посилен од нормативите за културно однесување и домашно воспитување, па работата на комисијата која дискутира еден многу важен и сериозен Закон за универзитет прекина поради мјаукањето на Куновска.“
Па, бидејќи во написот нема никаква потврда за „настанот“, се става акцент на забелешката на претседателката на Комисијата. Нејзините зборови се претставуваат како апсолутно точни и потоа со нив се манипулира, за читателот да оформи негативен став кон Куновска.
Вистински новинарски производ, секогаш мора да ја вклучи и втората – засегнатата страна. Релевантна новинарска содржина не смее да се базира само на едно тврдење, без притоа да се обиде да дознае што навистина се случило. За еден напис да биде објективен и неутрален, треба да ја истражи реалната ситуација, а не само слепо да ѝ верува на едната страна, уште повеќе ако постои соменж дека целата приказна е инспирирана од некој политички центар.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови