Непотврдени информации како стопроцентна вистина
Објавено во Рецензии
on 12 - 01 - 2016 Автор: Владо Ѓорчев[Рецензија: Истрагата за Фабриката за афери на СДСМ добива меѓународни димензии]
Текстот што е пред нас има сензационалистички наслов и во јавноста пласира непроверена информација. Написот содржи тенденциозни напади, не ја почитува презумцијата на невиност и само врз база на претпоставки како виновни посочува конкретни личности наведувајќи ги со име и со презиме. Инаку, текстот се повикува на друг портал и тоа е коректно наведено, но не е ставен линкот до медиумот.
Линк до оригиналниот наслов: Истрагата за Фабриката за афери на СДСМ добива меѓународни димензии
Датум и време на објавување: 09.01.2016, 14:10
Датум на рецензија: 11.01.2016
Рецензент: Владо Ѓорчев
СО ЛЕСНОТИЈА ИСКАЖАНИ ОБВИНУВАЊА
Написот е целосно преземен од друга веб-страница (вклучувајќи ги и насловот и фотографијата) и е пласиран без никаква доработка. Оригиналниот текст, пак, нема поконкретно прецизиран извор. Употребена е воопштена формулација „извори од истрагата“. А извори на истрагата можат да бидат од полицајците кои биле присутни при претресот кај обвинетиот до обвинителот што го води случајот.
Во таа смисла, материјалот што го рецензираме нема додадена вредност. Односно, преземената тема воопшто не е дополнета со нови моменти. Информацијата се пласира без да се провери и да се побара став од засегнатата страна. Тоа говори за (не)објективноста на текстот.
Еден коректен пристап подразбира дека ваква проверка морала да се направи, дотолку повеќе што се изнесуваат сериозни обвинувања:
„Зекир Бекири, инаку член на опозициската СДСМ, бил дел од меѓународна мрежа на криминал. Според податоците, најверојатно преку криминалната мрежа тој финансирал дел од активностите за партијата.
Фабриката за афери на СДСМ е еден од најголемите скандали во македонската историја, особено ако се има предвид дека во него е вмешан лидерот на опозициската СДСМ.“
Текстот со леснотија обвинува и не нуди докази што потврдуваат поврзаност на СДСМ со „Фабриката за афери“ ниту, пак, посочува аргументи за тоа дека Бекири, наводно, финасирал дел од партиските активности. Нејасно е и на кои активности конкретно се мисли и како лидерот на СДСМ е вмешан во скандалот? Има истрага за него? Обвинет е? Или, авторот, можеби, знае нешто повеќе од јавноста?
Правилата во новинарството налагаат информациите пред да се објават да се проверат од колку што е можно повеќе извори. Во конкретниот случај, на читателите им се нуди непотврдена информација како стопроцентна вистина.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови