Нема шизик без ризик
Објавено во Рецензии
on 14 - 04 - 2016 Автор: Зоран Бојаровски[Рецензија: Одлуката на Иванов била детално договарана?]
Што е спорно во овој текст? Анонимниот извор од ВМРО-ДПМНЕ. Иако не се исклучени како легитимни извори во новинарството, лекциите велат вакви извори да се користат само во исклучителни ситуации и тоагш кога се исцрпени сите можности и убедувања изворот да зборува со име и со презиме.
Две причини, како исклучок, го потврдуваат ова правило. Прво, одете и убедете некој од една крајно контролирана партиска структура да зборува јавно. Невозможно. Второ, имаме пред нас медиум кој заради својата репутација и заради својот углед никогаш нема да дозволи анонимниот извор да биде виртуелен, измислен. Можам да тврдам дека уредниците на медиумот инсистирале да знаат кој е анонимниот извор и да биде „ковертиран“. Такви се правилата кај големите, веродостојни медиуми.
И, има и трето: Авторката на овој текст е долгогодишна новинарка и повеќепати била уредник и главен уредник, а бездруго има своја мрежа на соработници на места каде што е тоа неопходно за да се биде најблиску до информацијата. Така работат добрите професионалци.
Линк до оригиналниот напис: Одлуката на Иванов била детално договарана?
Датум и време на објавување: 13.04.2016
Датум на рецензирање: 14.04.2016
Рецензент: Зоран Бојаровски
(НЕ)САМОСТОЈНОСТА НА ПРЕТСЕДАТЕЛОТ
Оттаму, сторијата што е пред нас, иако нејзината теза се гради на анонимен извор, можеме да ја земеме со прилична сигурност.
Вусшност, кога станува збор за проверка на фактите, постои и нешто што доаѓа како сознание и од, во овој случај, политичките околности од кои искусен новинар и читател може да извлече хипотези за веродостојноста и за развојот на настаните.
Еве, земете ја првата, толку очигледна констелација: Дали можете да претпоставите таква самостојност на актуелниот претседател на Република Македонија, имајќи го предвид стилот на владеење на партијата која ја предводи власта? Иако е тоа теориски можно, реалноста, која е секогаш предмет на анализа на искусните новинари, не може никако да го потврди тоа. Тоа е невозможно.
Погледнете го однесувањето на партиската елита на ВМРО-ДПМНЕ. Тоа е токму такво, какво што пишува во овој текст новинарката: „Од една страна ќе останеме на приказната дека сме фрапирани, а од друга страна ќе ги туркаме нашите следбеници експерти и народ во протести против одлуката“.
Тоа е констелацијата во која добрите и искусни новинари донесуваат вакви одлуки: да се пишува или не со анонимни извори.
На некои од читателите, секако, им останува да имаат резерви, а на сите заедно ни останува времето кое ќе потврди или негира. Ризично, но и тоа се ситуации со кои се соочуваат новинарите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални, анонимни
релевантни
повеќе извори
повеќестрани
СЕОПФАТНОСТ
сеопфатнo
нема прикриени информации
ПРИСТРАСНОСТ
делумно прикажува вистина
нема извртување на вистина (спин)
не може да се утврди
балансираност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
Прашува
креативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
има контекстуални линкови
стилски уреден
поврзан со тагови