Напис: Продолжува судењето на обвинетите за „Диво Насеље“

Поради недостиг од просторни и безбедносни услови за одржување на судењето во Основниот суд Скопје 1, судската постапка против обвинетите за случајот „Диво Насеље“ се очекува да продолжи денеска во големата сала на Врховниот суд.

Од Основниот суд Скопје 1 претходно ја побараа големата сала на Врховниот суд, но барањето беше одбиено со образложение дека таа просторија е од свечен карактер и не е опремена да функционира за судско рочиште.

За настаните од Диво Насеље се обвинети 29 лица, а како членови на логистиката – осум лица.

На 9 и на 10 мај 2015 година во Диво Насеље, Кумановско, вооружена група се судри безбедносните сили. При пукањето животот го загубија осум полицајци од специјалните и од посебните единици на МВР, додека околу четиринаесет беа тешко ранети. Беа убиени и десет припадници на вооружената група.

[Рецензија: Продолжува судењето на обвинетите за „Диво Насеље”]

Веста што ја рецензираме е делумна копија на вест од Македонската информативна агенција. Текстот на почетокот има малку разлики, а другиот дел и особено заднината е целосна копија. Меѓутоа, независно од овие мали разлики, авторот кој неименуван стои зад оваа вест, не се повикал на извори, што во целост ја става содржината надвор од професионалните стандарди. Со недостиг на евидентирани извори во текстот е прекршено едно од основните правила на професионалното новинарство, а тоа е цитирање на изворот и релевантната маса информации во текстот.

Поради недостиг на просторни и на безбедносни услови за одржување на судењето во Основниот суд Скопје 1, судската постапка против обвинетите за случајот „Диво Насеље“ се очекува да продолжи денеска во големата сала на Врховниот суд. Од Основниот суд Скопје 1 претходно ја побараа големата сала на Врховниот суд, но барањето беше одбиено со образложение дека таа просторија е од свечен карактер и не е опремена да функционира за судско рочиште. 

Линк до оригиналниот напис: „Продолжува судењето на обвинетите за „Диво Насеље”

Датум и време на објавување: 27.05.2016

Датум на рецензирање: 27.05.2016

Рецензент: Адриан Керими

Во овој текст никаде не се наведува за тоа кој информирал дека рочиштето се очекува да продолжи на денот кога е објавен написот. Во веста не учествува ни одбраната, од која може да излезе оваа информација, но ни ставот на судот, кој е тој што го одредува следното рочиште.

Етички кодекс, точка 3: „Новинарот ќе се обиде да обезбеди право на корекција, демант и одговор, во тие случаи кога се утврдува неточност на информацијата“.

„За настаните од Диво Насеље се обвинети 29 лица, а како членови на логистиката – осум лица.

На 9 и на 10 мај 2015 година во Диво Насеље, Кумановско, вооружена група се судри со безбедносните сили. При пукањето животот го загубија осум полицајци од специјалните и од посебните единици на МВР, додека околу четиринаесет беа тешко ранети. Беа убиени и десет припадници на вооружената група.

За сите овие пропусти и скршнувања од новинарските начела, нема кој да сноси одговорност, бидејќи во текстот не фигурира името на авторот, дури ни со иницијали.

Етички кодекс, точка 1: „Доколку информацијата не може да се утврди или станува збор за претпоставка, односно шпекулација, ова треба да се истакне и да се објави“.

Друг очигледен пропуст е фактот дека текстот е објавен во 10.23 часот, а се знае дека рочиштето што беше закажано за 27 мај, пред неколку денови се одложи и беше закажано за 10 часот. Ова докажува дека авторот не бил во местото на настанот, не се обидел да ја потврди информацијата и, освен тоа, дава дополнителен аргумент на тоа што го рековме погоре, дека веста е делумна копија на содржината од една агенција (МИА), но ни ова не е нагласено во самата содржина.