Насилство врз новинарските стандарди
Објавено во Рецензии
on 15 - 02 - 2016 Автор: Зоран Бојаровски[Рецензија: БЛАМАЖА: Јанева и Фатиме Фетаи тргнаа да оспоруваат победа од 200.000 гласови, а во барањето за притвор навеле 1.400 македонски граѓани кои гласале]
Само на два начина може да се оцени оваа медиумска сторија: како дилетантска наива или како политички инструирана содржина која има цел да ја искриви реалноста. Првата опција, дилетантска наива, отпаѓа, зашто доминира намерата да се спинува и да се исполитизира настапот на Специјалното јавно обвинителство (СЈО) по секоја цена, дури и по цена на сопствена професионална дискредитација.
Како поинаку да се протолкуваат новинарска постапка која манифестира крајно непознавање на темата за која се известува, како и отсуство на намера да се конслутираат закони или експерти за да се разјаснат работите.
Еве зошто: Во Кривичниот законик на Република Македонија кривичните дела против изборите и гласањето се опфатени во глвата 16, односно од членот 158 заклучно со членот 165. Ниту еден од нив не определува колку граѓани треба да бидат опфатени со кривичните дела опфатени во оваа глава.
Тоа значи дека и еден глас да биде стекнат врз основа на кривични дела против гласањето и изборите, сторителот ќе биде подложен на мерките што се опфатени со членовите што се однесуваат на оваа материја.
За ова, веќе рековме, или се консултираат закони и процедури или се бара мислење од експерти. Ништо од тоа нема во оваа „сторија“.
Во секој случај, вака стокмена и со предумисла да ги искриви фактите и реалноста, оваа медиумска содржина врши насилство врз новинарските стандарди.
Линк до оригиналниот напис: БЛАМАЖА: Јанева и Фатиме Фетаи тргнаа да оспоруваат победа од 200.000 гласови, а во барањето за притвор навеле 1.400 македонски граѓани кои гласале
Датум и време на објавување: 13.02.2016, 10:09
Датум на рецензирање: 14.02.2016
Рецензент: Зоран Бојаровски
КРАЈНО ПРИСТРАСНА ПОЗИЦИЈА
Единствената намера што произлегува од оваа сторија е да се дискредитираат настапот и аргументите за покренување кривична постапка за основано сомневање за кршење на речиси сите членови од глвата 16 од Кривичниот законик на Република Македонија, која опфаќа кривични дела против гласањето и изборите на високи владини функционери и службеници и други лица. Но, во недостиг од сериозна аргументација или експерти што ќе ги оспорат наводите на Специјалното јавно обвнителство, авторите на оваа содржина го омаловажуваат стилот на една од говорничките на оваа прес-конференција.
Таквото „новинарство“ оддава крајно пристрасна позиција, полна со неодржливи коментари, несоодветни на објективна професионална работа.
Оваа објава дури и си дозволува алузии кои имаат сериозна шовинистичка црта – кога издвојува и става во неодржлив контекст полуреченица од настапот на една од јавните обвинителки, која изрази потреба покренувањето на обвинителниот акт да го објасни со речник разбирлив дури и за малите деца.
За да биде иронијата видлива, овој текст токму тоа го потврдува: некому ниту тој јазик и стил не му доволно разборит за да ја сфати сериозноста и тежината на делата за кои СЈО се произнесе дека постојат основани сомневања.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови