Медиумска рожба на пропагандата
Објавено во Рецензии
on 23 - 01 - 2017 Автор: Зоран Бојаровски[Рецензија: Соросовите шарени платеници тргнаа против Трамп исто како во Македонија]
Едноставно е непримерно, недозволиво, непрофесионално, една медиумска содржина со такви претензии какви што имплицира нејзиниот наслов, во целата своја конструкција да не се повика на ниту еден извор. Оттаму, таквата постапка го прави текстот што го рецензираме плод на препаганда за домашна употреба, за ширење на ептен очигледни дезинформации за тоа кој стои зад протестите во Соединетите Американски Држави за време на инаугурацијата на новиот претседател Доналд Трамп.
Зошто? Затоа што елементарно правило во новинарството, етичкото и професионалното, е тврдењата во новинарските текстови да бидат поткрепени со извори кои ќе потврдат или барем ќе индицираат дека зад протестите во Вашингтон и во другите градови стои Џорџ Сорос. Тоа го прави овој текст нереален во неговата намера да ги идентификува протестите во САД со оние на „Шарената револуција“ во Република Македонија.
Линк до оригиналниот напис: Соросовите шарени платеници тргнаа против Трамп исто како во Македонија
Датум и време на објавување: 22.01.2017, 20:02
Датум на рецензирање: 23.01.2017
Рецензент: Зоран Бојаровски
ШИРЕЊЕ ДЕЗИНФОРМАЦИИ
За да ги поткрепиме со аргументи нашите заклучоци во оваа рецензија, ние тргнавме во потрага по докази. Со алатката „Search Google for Image“, најпрво ги идентификувавме фотографиите од кои е направен колажот за илустрација на кој пишува „Пеколот на Сорос“. Настрана што некои од фотографиите немаат врска со протестите од инаугурацијата, ги избравме оние автентичните и ги побаравме вестите зад тие фотографии. Еве три од нив од релевантни и реални медиуми: „Си-би-ес нуз“ (CBS News): Trump inauguration protest damages parts of downtown Washington, „Телеграф“ (The Telegraph): Donald Trump protests: Limo ‘set on fire’ and 217 arrested as police use tear gas on black-clad activists, „Нујорк тајмс“ (NyTimes): Inauguration Protesters and Police Clash on Washington’s Streets.
Во ниту еден од овие медиум не се ни споменува Сорос. Ниту „обоени револуции“, ниту НВО… Тоа е доволно текстот што го рецензираме да го прогласиме за рожба на пропаганда наменета, како што веќе рековме, за домашна (зло)употреба.
Во прилог на тврдењето во оваа рецензија оди и тоа што дури две третини, и повеќе, од текстот се посветени на генезата и на карактеристиките на „Шарената револуција“ во Македонија, во обид да се убедат читателите дека и тие во САД се идентични на „Шарената“, но не им успева…
Внимателните читатели бездруго ќе се согасат дека оваа намера е безуспешна и покрај наведувачкиот, тенденциозен и манипулирачки наслов, како и колажот направен од фотографии од „Шарената“ и од протестите во САД.
Дополнително, оваа намера се разоткрива и со вметнатите, интегрирани, коментари кои, во недостиг од аргументи што треба да дојдат од извори, имаат цел да ги надоместат недостатоците на текстот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови