Класична злоупотреба на терминот „анонимни извори“
Објавено во Рецензии
on 23 - 01 - 2017 Автор: Ана Анастасовска
[Рецензија: Еве зошто Атанас Кировски ја стави Телма на послужавник на СДСМ и Заев]
Текстот што го рецензираме личи на сè, освен на новинарски напис. Тој е тенденциозен, полн со коментари и има цел да удри по друг медиум и по неговиот главен уредник, а притоа се води од политички мотиви.
Линк до оригиналниот напис: Еве зошто Атанас Кировски ја стави Телма на послужавник на СДСМ и Заев
Датум и време на објавување: 18.01.2017
Датум на рецензирање: 23.01.2017
Рецензент: Ана Анастасовска
ЧАРШИСКИ МУАБЕТИ
Во написот се напаѓа главниот и одговорен уредник на телевизија „Телма“, Атанас Кировски дека, наводно, работел за интересите на СДСМ и дека телевизијата во целост ја ставил на располагање на раководството на таа партија.
Притоа, ваквите наводи се поткрепуваат со чаршиски муабети и со разно-разни шпекулации, што е спротивно на новинарските стандарди.
„Низ скопските муабети често се раскажува и за сервилноста на Кировски кон СДСМ, како и видливата возбуда кај него во моментите кога првиот човек на центарот за комуникации со јавност на СДСМ, и поранешен новинар Роберт Поповски ќе му се јави“.
Ова е вистински пример за тоа како на јавноста ѝ се пласираат шпекулации во форма на вести и како читателите се убедуваат во нивната точност, преку злоупотреба на поимот „анонимни извори“. Новинарството дозволува изворот на информацијата да биде заштитен и анонимен, но кога веста не држи вода и не е проверена од повеќе страни и извори, тогаш таа пропаѓа. Не е доволно само да се каже дека „низ скопските муабети често се раскажува…“. Тоа што се раскажува треба добро да се провери пред да се објави.
„Највозбуден бил Кировски кога од “централата” како што велел тој ќе стигнеле забелешки за начинот на кој биле распределени прилозите или доколку некоја тема од значење на СДСМ не била третирана соодветно“.
Но, нејсно е како тоа бил возбуден и што конкретно правел Кировски кога ќе му се јавеле од централата? На овие прашања нема одговор, исто како што нема ниту обид да се добие став од Кировски, ниту од „централата“ што се спомнува. Нема изјави ниту, на пример, од новинари вреботени во телевизијата. Да посведочел барем некој за тоа што се пишува.
„Познавачите на состојбите коментираат дека зад тоа се крие всушност диспилинирање на докрај непослушните новинари“.
Кои се тие „познавачи“? Повторно многу прашања, а ниту еден одговор. Само приказни за мали деца кои изгледаат како да се измислени и пласирани како вистина.
Целиот напис нема допирна точка со професионално изработен новинарски производ и има јасна идеја да се нападне и да се дискредитира главниот и одговорен уредник на „Телма“, а со тоа и самата телевизија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
има контекстуални линкови
делумно стилски уреден